Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Lehendakariak elkarbizitza denon artean konkistatzea eskatu du


2011-12-31 20:45

Patxi Lopezek adierazi du 2012ko erronka nagusia enplegua izango dela eta, horrenbestez, neurriak onartuko dituztela langabeziak gogor jo dituenei laguntzeko.

Patxi Lopez lehendakariak ideia eta sentimendu ezberdinen arteko elkarbizitza eta konkordia konkistatzea eskatu du, Euskadi denon artean eraikitzeko, eta ez batzuek beste batzuen aurka.

Gabon zaharreko mezu tradizionalean, Lopezek ETAren amaiera, krisia eta enplegua izan ditu hizpide.

Erakunde terroristaren indarkeriaren amaierari buruz, Lopezek esan du nire helburu nagusia eta lehena izan dela: Nire amesgaiztorik larriena ETArekin amaitzea izan da, eta lortu dugu.

Orain elkarbizitza sendotu behar dugu, biktimei laguntza eman eta balore demokratikoak indartu, inoiz horrelakorik berriz ere gerta ez dakigun. Hau da guztion artean daukagun egitekoa, gaineratu du.

Lehendakariak terrorismoaren biktimak omendu nahi izan ditu, euren oroitzapena eta memoria ez dadin betiko galdu, eta nabarmendu du euskal gizarteak harro egon behar duela, arlo guztietako milaka pertsonek bakea, askatasuna eta tolerantzia defendatu dutelako inoiz etsi gabe, askatasuna eta demokraziaren deia bizia mantenduz.

Krisia

Krisi ekonomikoari buruz, Lopezek gogorarazi du Euskadin, zorionez, inguruan baino hobeto gaudela: Gastuen lehentasunak ondo finkatuz zerbitzu publikoak mantendu ditugu eta gure langabezia Europako lehen herrialdeen parekoa da.

Horren ildotik, EAE enplegu publiko eta zerbitzu publikoak mantendu dituen erkidego bakarra dela aipatu du, eta funtzionarioei haien lana eta ardura handia eskertu nahi izan die, eurak baitira zerbitzu publikoen benetako bermea.

Lehendakariak 2011n egindakoa gainbegiratu du: gure enpresak inoiz ez bezala ari dira mundura ateratzen; berrikuntza eta ikerketa ari gara bultzatzen gure enpresetan eta gure unibertsitateetan; erreforma handi bat ari gara, osasun zerbitzuetan egiten gaixoak hobeto artatzeko; Abiadura handiko Trenari abiadura eman diogu, langabezian daudenei laguntzeko zerbitzu berria jarri diegu martxan eta gure historia osoan egin den ahalegin handiena egin dugu pertsona ahulenak babesteko.

Enplegua

Langabezia ere Gabon zaharreko mezuaren ardatzetariko bat izan da. Lehendakariaren esanetan, Gobernuak 2012an duen erronka nagusia da eta horrekin lotuta neurri berriak hartuko dituztela iragarri du, langabeziak gogor jo dituenei laguntzeko.

Enplegurik gabeko milaka gazte horiei, iraupen luzeko langabeei irteera bat eskaini behar diegu denon artean. Gure enpresak iraun eta hobetu dezaten lagundu behar ditugu eta baita ere gure ekintzaileek aukerak izan ditzaten euren proiektuak aurrera ateratzeko, esan du, hain zuzen ere.

Lehendakariaren hitzetan, gure zerga sistema hobetu behar dugu guztiek ordain dezaten, beti ere gehiago dutenek gehiago ordainduz. Zerga iruzurrari aurre egiteko ahalegin handiagoa eginez legediko hutsuneak eta gabeziak aldatuz zenbaitzuek gutxiago ordaintzeko erabil ez ditzaten.

Halaber, kritikatu egin du Europako politika ekonomikoek defizita kentzea izatea helburu bakarra. Izan ere, inbertsioak bultzatzeko eta gure ekonomia indartzeko politika publikoak behar ditugu.

Mezu amaieran, lehendakariak indar guztiak elkartzeko dei egin du, Euskadi krisialditik ateratzeko eta askatasuna eta elkarbizitza sendotzeko.

Badakit bidezko diren desberdintasunak gaindituz, indarrak batzen baditugu lortuko dugula, azpimarratu du.

Patxi

Informazio gehiago:Eitb: Lehendakariak elkarbizitza denon artean konkistatzea eskatu du

67 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin