Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Lehendakaria: Ez da gatazka politikoa dagoela pentsatzeko unea


2011-11-02 11:53

Horrela, Patxi Lopezek erantzun egin dio Iñigo Urkullu EAJko presidenteari, agintean gatazka politikoari esker dagoela esan baitu hark.

Patxi Lopez lehendakariak adierazi du ez dela unea Euskadin gatazka politikoa dagoela pentsatzeko, eta alderdi guztien artean indarrak batzeko dei egin du, indarkeriaren amaieraren ostean etekinak biltzen ibili beharrean. Lopezen ustez, EAJ gobernuan ez dagoelako ari da gatazkaz hitz egiten.

Horrela, lehendakariak erantzun egin dio Iñigo Urkullu EAJko presidenteari. Izan ere, gatazka politikoari esker dagoela agintean esan zion hark atzo.

Forum Europa gosarietan egindako adierazpenetan, Gasteizko Gobernuko buruak gogorarazi du Euskadin itxaropen aroa ireki dela ETAk indarkeriari uko egin eta gero. Duela 75 urtetik lehen aldiz, gure hautagaiak mehatxu gabe ibili daitezke Euskadiko herrietatik, gaineratu du.

Gaur ez da zatiketa eskatzeko unea, ez da urduri jartzeko unea, batzuek gobernatzen ez dutenez Euskadin gatazka politikoa dagoela pentsatzeko; premiazko arazoak konpontzeko unea da, nabarmendu du.


PSEko legebiltzarkideekin bilera

Bestalde, ETAren indarkeriaren behin betiko amaieraren ostean, ezin dezakegu inori alderdikeriaz jokatzea utzi, ahanzturan oinarritutako kontakizuna inposatzen saiatzen ari direlako, adierazi du lehendakariak. Eusko Legebiltzarrean adostasunak bilatzen jarraitzeko eskatu die PSEko legebiltzakideei, nahiz eta batzuek desadostasunak bilatzen saiatu, geroago hauteskundeetan mozkinak lortzeko.

Patxi Lopezek legebiltzarkide sozialistekin egin du bilera arratsaldean. Komunikatu batean, terrorismoaren amaieraren ostean zabaldutako egoera politikoarekin askatasunen eta Zuzenbidezko Estatuaren alde aurpegia eman dugunok lasaitu ederra hartu dugu, azaldu du agintariak.


Biktimak

Halaber, Eduardo Madina PSOEk Kongresurako duen Bizkaiko zerrendaburuak ez isiltzeko eskatu die biktimei, herrialde honek bizi izan duen giza tragediaren aurpegia eta izenak baitira.

Bere aldetik, Ramon Jauregui Espainiako Gobernuko Presidentzia ministro eta Arabako zerrendaburuak berretsi du Zapateroren Exekutiboak ez duela neurririk hartuko presoen inguruan, eta hurrengo Gobernuak egin beharko duela erantsi du.

Patxi



Informazio gehiago:Eitb: Lehendakaria: Ez da gatazka politikoa dagoela pentsatzeko unea

60 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin