Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Lehendakaria Bildurekin batzartuko da gaur


2011-10-28 07:20

Koalizio abertzalearen aldetik, Rufi Etxeberria (ezker abertzalea), Pello Urizar (EA) eta Oskar Matute (Alternatiba) joango dira bilerara. ELA sindikatua ere hartuko du gaur Patxi Lopezek.

Patxi Lopez lehendakaria Bildurekin eta ELA sindikatuarekin batzartuko da gaur, ETAk jarduera armatua behin betiko utzi duela iragarri ostean abiatutako bilera-sortaren baitan.

Bilduren aldetik, Rufi Etxeberria (ezker abertzalea), Pello Urizar (EA) eta Oskar Matute (Alternatiba) joango dira bilerara.

Atzo, Patxi Lopezek Confebaskekin, CCOO eta UGT sindikatuekin, UPyDrekin eta EBrekin batzartu zen goizean. Arratsaldean, aldiz, Carlos Garaikoetxea, Jose Antonio Ardanza eta Juan Jose Ibarretxe lehendakari ohieki.

Ezker abertzaleak, EAk eta Alternatibak osatutako koalizioarekin 16:30ean bilduko da gaur. ELArekin 10:30ean izango da.

Gaurko egunaren ostean, lehendakaria LAB sindikatuarekin batzartuko da azaroaren 3an.

Lehendakari ohiak

Atzoko bileretan, Patxu Lopez, Juan Jose Ibarretxe, Jose Antonio Ardanza eta Carlos Garaikoetxea lehendakariak bat etorri ziren puntu batean, hots, euskal gizarteak neurriak hartu behar dituela ETAren behin betiko amaiera atzeraezina izan dadin.

Lehendakaritzak igorritako agiri baten arabera, lehendakariak pozik agertu ziren Euskal Herrian irekitako aro berriaren harira, erakunde terroristaren iragarpenak amaiera ematen baitio amesgaizto luze bati.

Nolanahi ere, Ardanzak eta Garaikoetxeak ohartarazi zuten bakea errotu eta gero, gatazka politikoari heldu behar izango zaiola.

Ibarretxek ez zuen adierazpenik egin bileraren ostean.

Patxi



Informazio gehiago:Eitb: Lehendakaria Bildurekin batzartuko da gaur

55 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin