Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Legebiltzarrak hasiera eman die Memoriaren Eguneko ekitaldiei


2011-11-10 10:15

Erakundeek bakoitzak bere aldetik ospatuko dute eguna. Bestalde, ezker abertzaleak bere buruzagi nagusietako bat bidaliko du lehen aldiz: Martin Garitano Gipuzkoako ahaldun nagusia.

EAEko erakundeek Memoriaren Eguna ospatuko dute gaur, baina bakoitzak bere aldetik, alderdi politikoak ez baitira gauza izan akordioa lortzeko.

Terrorismoaren biktima guztiak gogoratzea eta omentzea du helburu egunak, eta egutegian atentaturik izan ez duen bakarra delako hautatu dute. Iaz ospatu zen aurrenekoz.

ETAk indarkeriaren amaiera iragarri eta gero, gaurko homenaldietan Poliziaren biktimak ere gaineratu edo ez eztabaida polemika iturri izan da alderdien artean.

Izan ere, Eusko Jaurlaritzak kontuan hartu nahi zituen tankera horretako biktimak, baina PP aurka agertu da eta horrek galarazi egin du akordioa lortzea.

Iaz, EAk eta Aralarrek ez beste alderdiek akordioa lortu zuten. Ez zituzten aipatu Poliziaren biktimak, baina bai GALenak eta Batallon Vasco Españolenak.

Akordioaren faltan, erakundeek zatituta ospatuko dute gaurko eguna.

Lehen ekitaldia Eusko Legebiltzarrean egin dute. Hain zuzen ere, lore-eskaintza bat egin dute Ganberaren kanpoaldean biktimen omenez dagoen monumentuan.

Ekitaldia Arantza Quiroga Legebiltzarreko presidenteak deitu du, eta talde parlamentario guztien ordezkariek hartu dute parte.

11:00etan, Eusko Jaurlaritzak ekitaldi instituzionala egingo du. Gobernuko kide guztiak izango dira, baina ez gainerako alderdiak, ezta biktimen elkarteak ere.

Ekitaldi horretan, Patxi Lopez lehendakariak adierazpen instituzionala irakurri du, egun hau ospatzeko beharra azpimaratzeko.

Bizkaian, Bilboko Udalak eta Bizkaiko Aldundiak ekitaldi bana egingo dute. Udalak lore eskaintza egingo du Doña Casilda parkean, eta foru erakundean, Jose Luis Bilbao ahaldun nagusiak adierazpen instituzionala irakurriko du.

Bestalde, Gipuzkoako Batzar Nagusiek ere lore eskaintza egingo dute, egoitzaren ondoan dagoen monolitoan.

Ekitaldiko parte-hartzaileen artean Martin Garitano Gipuzkoako ahaldun nagusia (Bildu) izango da, Aldundiko iturriek baieztatu dutenez.

Garitanoren balizko parte-hartzeak ikusmin handia piztu zuen, Bilduren ezker abertzaleko ordezkariak ez baitziren izan biktimen omenez udan egindako ekitaldietan.

Une horretan, Garitanok esan zuen inoiz hausnarketa egin beharko dela biktimen inguruan, baina oraindik ez gaude garai horretan.

Arabako Batzar Nagusiek eta Foru Aldundiek Fernando Buesaren omenezko monolitoan ospatuko dute Memoriaren Eguna. Besteak beste, Juan Antonio Zarate Ganberako presidentea eta Javier de Andres ahaldun nagusia (PPkoak biak) izango dira bertan.

Donostiako Udalean, PSE-Eek, PPk eta EAJk ekitaldi bat egingo dute Alderdi Ederren. Juan Karlos Izagirre alkatea (Bildu) ere gonbidatu dute, baina ez du erantzun.

Legebiltzarrak



Informazio gehiago:Eitb: Legebiltzarrak hasiera eman die Memoriaren Eguneko ekitaldiei

72 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin