Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Laugarrenez suntsitu dute Juan Mari Jaureguiren omenezko monolitoa


2011-07-05 10:48

Rodolfo Ares Herrizaingo sailburuak salatu du erasoa faxista izan dela, eta publikoki gaitzesteko dei egin dio Bilduri.

Juan Mari Jauregui ETAk 2000ko uztailean hildako politikari sozialistaren omenez Burnikurutzeta mendian dagoen monolitoa laugarrenez suntsitu dute duela zortzi urte jarri zutenetik.

Rodolfo Ares Herrizaingo sailburuak errefusatu egin du erasoa, faxista izan dela gaineratu du, eta publikoki gaitzesteko dei egin dio Bilduri.

Herrizaingo Sailak azaldu duenez, erasoa joan den astean jazo zen, eta ondorioz, monolitoak kalte handiak izan ditu, aurreko aldian jasotakoen antzekoak. Eraso horren ondorioz, berreraiki egin behar izan zuten monolitoa. Oraingo honetan, gainera, plakaren zati bat ostu dute.

Monolitoa Burnikurutzeta mendian jarri zuten, Legorreta, Beizama eta Tolosa artean, Jaureguirentzat leku berezia zelako. Han bertan errautsak ere utzi zituzten, eta urtero lore eskaintza egiten diote.

Erasoaren berri izan eta gero, Roldo Aresek gaitzetsi egin du eta elkartasuna eta babesa agertu die Maixabel Lasa alargunari.

Aresen esanetan, jasanezina da eraso faxista hauek behin eta berriz errepikatzea, atentatu larria baitira terrorismoaren biktimen oroimenarentzat eta erakutsi egiten dute erasoak egiten dituztenen eta babesten dituztenen koldarkeria eta intolerantzia.



Informazio gehiago:Eitb: Laugarrenez suntsitu dute Juan Mari Jaureguiren omenezko monolitoa

72 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin