Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Langile batek aitortu egin du ume lapurtuen sarean parte hartu izana


2012-01-20 09:52

30 urteren ostean, ehorztetxe bateko gidari batek gertatutakoa aitortu du. Biktimen salaketak babestu dituen lekuko bakarretakoa da.

50eko eta 90eko hamarkaden artean jazotako jaioberri lapurtuen auzia gero eta kutsu hunkigarria hartzen ari da azken asteetan ezagutzen ari diren datuen ondorioz.

Izan ere, pertsona asko ohartu dira euren gurasoak ez direla guraso biologikoak, eta adopzioa legezkoa izan zen zalantzan jartzen hasi dira. Argi geratu da ume lapurreten atzean sare bat zegoela: umeak bahitu eta beste sendi batzuei eskaintzen zieten, eta hileta faltsuak antolatzen zituzten guraso biologikoen aurrean seme-alaba hilik zegoela simulatzeko.

Sare horretan parte hartu dutenak isilik egon dira, baina orain, lapurretetan nahasita izan zen pertsona batek egindakoa aitortu du Radio Euskadiko Ganbara saioan.

1979 eta 1988 urteen artean Granadako ehorztetxe batean egin zuen lan, gidari gisa, eta hileta askotara hutsik zeuden hil-kutxak eraman zituela azaldu du. Antonio du izena, eta 30 urteren ostean, kontzientziak egindakoa aitortzera bultzatu du. Justiziara ere jo duela esan du.

Ama-Haurren Granadako Ospitaletik deitzen zidaten, ustez hilik zeuden ume batzuen hileta-zerbitzuak egiteko. Nik, ehorztetxeko langile gisa, hil-kutxa txikiak eramaten nituen, gorputegira jaisten nintzen, eta bertan zera esaten zidaten, Hartu pakete hau, sar ezazu hil-kutxan, hartu ziurtagiria, eta hilobiratu dezatela, eta nik hori egiten nuen. Baina kontua da pakete batzuk 200 gramo eskasekoak zirela, azaldu du.

Antoniok gaineratu du harritu egiten ziola hileta-zerbitzu horiek umeen senideak gabe egiteak: Ez zen inoiz senide bakar bat ere egon hileta-zerbitzuaren unean, eta horrek harritu egiten ninduen.

Ehorztetxeko langileak salatu du mafia horrek erabili egin zuela. Gertatutakoa kriminala da. [...] Luze hitz egin daiteke gertatutakoaz, nabarmendu du.

Lapurtutako haurren kasuak Espainia osoan ari dira azaleratzen, baina Euskal Autonomia Erkidegoa da kasu gehien ikertzen ari diren tokia.

Atzo Patxi Lopez lehendakariak lapurreta horiek pertsona bakar batek ezin izan zituela egin adierazi zuen, mediku, ospitale eta hilerrien artean ongi antolatuta egon behar zutela, alegia, eta gertatutakoa amaiera arte ikertu beharko dela ohartarazi zuen.

Orain arte, hiru hilobi ireki dituzte EAEn, bat Bizkaian eta bi Gipuzkoan, baina bakar batean ere ez dute ustez han hilobiratu zituzten haurren gorpuzkirik aurkitu.

Lehendakariak



Informazio gehiago:Eitb: Langile batek aitortu egin du ume lapurtuen sarean parte hartu izana

48 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin