Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Lanbidek lan eskaintzen berri emango du egunero Twitter bidez


2011-06-16 14:33

Lanbideko arduradunek jakinarazi dutenez, @lanbideejgv kontuak unean uneko lan-proposamenen eta prestakuntza-eskaintzen berri emango du, denbora errealean.

Lanbide Enplegurako Euskal Agentziak kontua (@lanbideejgv) ireki du gaur Twitter gizarte-sarean bere katalogoa zabaltzeko asmoz, eta lanpostu bila dabiltzanei lan-merkatura sartzen laguntzea helburu hartuta.

Enplegu-radar modukoa izango den kontua ezaugarri horiekin Estatuan zabaltzen den lehenengoa da, eta etengabeko informazio-jarioa eskainiko du egunero: lan-eskaintzak, prestakuntza-ikastaroak eta lan-arloko berriak. Gainera, jarraitzaileekin solasean aritzeko bide gisa ere erabiliko da.

Lanbideko arduradunek jakinarazi dutenez, @lanbideejgv kontuak unean uneko lan-proposamenen eta prestakuntza-eskaintzen berri emango du, denbora errealean.

Kontuko eskaintzak ikusteko, herritarrak http://twitter.com/lanbideejgv tekleatu beharko du, eta doako zerbitzu horren jarraitzaile egin.

Une horretatik aurrera berritasunak automatikoki iritsiko dira haren terminalera, dela ordenagailua, dela sakeleko telefonoa edo tablet gailua. Lanbideren twitter-ean argitaratzen diren eskaintzak eta berriak euskaraz eta gaztelaniaz egongo dira.

Eskaintza bakoitza aurkitzen laguntzeko, tuit (mezu) bakoitzak etiketak edo hashtags izango ditu, eta enplegua eskaintzen den
herria eta jarduera-sektorea ere adieraziko ditu. Nahikoa izango da mezu bakoitzari dagokion estekan klik egitea lan-proposamen bakoitzari buruzko deskribapen zehatzagoa ikusteko.

Lanbidek Twitter-en izango duen kontuak indartu egingo du bulego-sarean eskaintzen den arreta, eta kontsulta-zerbitzu bat
jarriko du internauten eskura, euskal enplegu zerbitzuaren funtzionamendua eta zerbitzuari buruz dituzten zalantzak argitzeko.

Teknologia berrien alde egiten duen apustuaren barruan, Lanbidek 14.916 lan-eskaintza bidali ditu sakeleko telefonoko mezuen (sms) eta posta elektronikoaren bidez; horietatik, 2.718 sms-ak ziren, eta 19.993 herritar hartu dituzte. Horiek guztiak hautaketa-prozesuren batean sartu ziren.



Informazio gehiago:Eitb: Lanbidek lan eskaintzen berri emango du egunero Twitter bidez

58 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin