Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Lanbide-heziketako matrikulazioak % 10 igo dira EAEn


2011-07-21 15:12

Eusko Jaurlaritzako Hezkuntza Sailak gaitasun profesionala aintzat hartzeko dispositiboa jarri du martxan, horri esker, lan esperientzia dutenek lanbide-heziketako titulua lortu ahal izango dute.Euskal Autonomia Erkidegoan, Lanbide-heziketa matrikulazioak % 10 igo dira iazko ikasturtearekin alderatuz gero, hau da 36.577 ikasle izatetik 40.576 ikasle izatera pasa da. Horien artean 1.153 lagunek ikasketak on line modalitatean egingo dituzte.

Isabel Celaa Hezkuntza sailburuak Lanbide Heziketako III. Euskal Planaren nondik norakoak azaldu ditu Gasteizen, prentsaurreko batean. Plana 2013a arte egongo da indarrean eta Lanbide-heziketa hobetzeko 19 neurri jasotzen ditu.

2007 eta 2009 urteen artean, Lanbide-heziketako formakuntza jaso zuten ikasleen % 73k, ikasketak amaitu eta bederatzi hilabetetara lana topatu zutela azpimarratu du Celaak, nahiz eta krisian egon, erantsi du.


On line eskaintzak

Planak jasotzen dituen neurrien artean Lanbide-heziketako ikasketak on line modalitatean gauzatzeko aukera azpimarratu du Celaak. Sei titulu eskuratu ahal izango dira modu horretan eta 1.153 ikasle matrikulatu dira.


Lan esperientzia

Jaurlaritzako Hezkuntza Sailak gaitasun profesionala aintzat hartzeko dispositiboa jarri du martxan. 2.920 plaza eskainiko dituzte eta lan esperientzia duten pertsonek Lanbide-heziketako titulua edo ziurtagiria lortu ahal izango dute.



Informazio gehiago:Eitb: Lanbide-heziketako matrikulazioak % 10 igo dira EAEn

84 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin