Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Lan berriak besapean: Mikel Erentxun, Lana Del Rey eta Leonard Cohen


2012-01-30 08:10

Musikari donostiarraz, kantari amerikar gazteaz eta Kanadako musikari mitikoaz gain, Sean Paulek ere aste hau hautatu du estudioko lan berria argitaratzeko.

Mikel Erentxun: 24 golpes. Bakarkako zortzigarren lana dakar musikari donostiarrak. Hudsoneko (New York) Waterfront estudioetan grabatu du lan berria eta hamar kantuz dago osatuta eta, horien artean, harekin batera Duncan Dhu bikotea osatu zuen Diego Vasalloren hitzak entzungo ditugu abestietako baten hitzetan. Gainera, Rafael Berrio eta Jose Ignacio Lapido musikagileen kolaborazioa ere izan du. Diskoa % 100 analogikoa dela nabarmendu nahi izan du Erentxunek eta kantuetan rock klasikoa eta 70eko hamarkada hasierako soinua hartu du oinarri.

Lana Del Rey: Born to die.  Aurretik beste lan bat kalean bazuen ere, aste honetan dakarren Born to die da mundu osoan bere izena zabaldu duen diskoa. New Yorkeko artista Nancy Sinatra gangsta izendatzen dute askok eta Hollywoodeko pop triste gisa definitu dute bere musika. Diskoa CD formatuan argitaratzeaz gain, luxuzko argitalpenean eta binilo bikoitzean ere egongo da eskuragarri.

Leonard Cohen: Old ideas. Kanadako musikari handia ia zortzi urteko isilunearen ostean itzuli da, 2004an kaleratu zuen Dear Heather diskotik ez baitu orain arte ezer argitaratu. Hamar kantu berri dakartza disko berrian eta gizakion existentziako gai sakonak landu ditu abesti horietan. Ziurrenik, Coehen disko espiritualena izango da Old Ideas. 

Sean Paul: Tomahawk Technique. Sean Paulek hainbat ekoizleren laguntza izan du estudioko lan berria osatzeko: Rico Love, Benny Blanco eta Stargate hartu ditu alboan kantariak (besteak beste, Rihannarekin Justin Bieberrek eta Katy Perryrekin lan egin duen jendea). Ahots gonbidatuei dagokienez, Kelly Rowland eta Alexis Jordan entzungo ditugu bi kantutan. Guztira, 12 kantu berri dakartza diskoak.

Mikel



Informazio gehiago:Eitb: Lan berriak besapean: Mikel Erentxun, Lana Del Rey eta Leonard Cohen

119 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin