Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Lady Gaga izan da poparen erregina Europako MTV sarietan


2011-11-07 08:02

New Yorkeko artistak lau sari eskuratu ditu, Bruno Marsek, 30 Second to Mars taldeak eta Justin Bieberrek bina irabazi dituzte eta Katy Perryk bakarra. Freddy Mercury?Ikono Global? izendatu dute.

Lady Gaga izan da, zalantzarik gabe, poparen erregina bart Belfasteko Oddyssey antzokian banatu dituzten Europako MTV sarietan. New Yorkeko artista sei sari irabazteko izendatuta zegoen eta, azkenean, lau eskuratu ditu: Kantu Onena Born this way abestiagatik, Emakumezko Artista Onena, Bideo Onena eta Zale Onenari dagozkionak.

Katy Perry lau ataletan izendatuta zegoen baina kantari estatubatuarrak ?Zuzeneko Onena?ri dagokion saria baino ez du lortu. Bruno Marsek bi garaikur irabazi ditu, ?Artista Berri Onena? eta ?Push Onena? atalei dagozkienak eta Justin Bieber kanadar gazteak, berriz, beste bi, ?Pop Artista Onena? eta ?Gizonezko Artista Onena? izendatu baitute. 30 Seconds To Mars talde estatubatuarrak ere bi golardo eskuratu ditu: ?Talde Alternativo Onena? eta ?Taula Gaineko Onena?. Linkin Park taldea ?Rock Talde Onena? izendatu dute eta Eminem izan da, aldiz, ?Hip-hop Artista Onena?.

Bestalde, Queen taldeko kantari izandako Freddy Mercury kantari handiari ?Ikono Global? saria eskaini diote bart Ipar Irlandan.

Zuzeneko emanaldiak

Lady Gagak Europako MTV sarien banaketa ekitaldian zuzenean aritu da eta bertan bildutako 20.000 pertsonen artean zoramena eragin du. Ilargi handi baten gainean jarrita, New Yorkeko artista polemikoak ?Marry the night? abestu du traje biribil granate bat jantzita.

Queen Taldea Belfasteko Oddyssey antzokiko taula gainean azaldu zen Adam Lambert kantari gaztea lagun zutela eta ?The show must go one?, ?We will rock you? eta ?We are the champios? abestiak jo zituzten elkarrekin.

Sari-banaketa ekitaldiko zuzeneko emanaldiak Coldplay taldeak zabaldu zituen ?Every teardrop is a waterfall? kantuarekin. Gainera, Red Hot Chili Peppers talde kaliforniarrak ?The Adventures of Rain Dance Maggie? abestia taularatu zuen eta Snow Patrol talde iparirlandarrak ere zuzenean jo zuen.

Lurdes Hernandez madrildarraren Russian Red proiektuak ?Estatuko Artista Onena?ri dagokion garaikurra irabazi zuen. Sari-banaketa ekitaldia Selena Gomez aktore eta kantari gazteak gidatu zuen.

 

Lady



Informazio gehiago:Eitb: Lady Gaga izan da poparen erregina Europako MTV sarietan

98 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin