Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Labirinto greziarra


2011-06-15 07:45

Europar Batasunak eta Nazioarteko Diru Funtsak emandako 110.000 milloi euroak ez dira nahikoa; beste horrenbeste behar dute, eta hala ere, ez dago ziur Greziak bere finantza egoera egonkortuko duen.

Greziak ezin du bere zorra ordaindu. Ekonomia okerrera doa eta ez du diru nahikoa sortzen aurreko zorrari dagozkion interesak ordaintzeko. Europar Batasunak eta Nazioarteko Diru Funtsak emandako 110.000 milloi euroak ez dira nahikoa; beste horrenbeste behar dute, eta hori lortuta ere, ez dago ziur Greziak bere finantza egoera egonkortuko duen.

Bi jarrera oso desberdin daude. Bata, Alemaniarena; estatuek ez ezik inbertsore pribatuek ere Greziari laguntza eman behar diotela aldarrikatzen du. Esate baterako, zor horren ordainketa zazpi urtez atzeratzea onartzea. Horrek galerak ekarriko dizkie banku pribatuei, Greziako zorraren gehiengoa banku grekoek, alemaniarrek, frantsesek eta estatubatuarrek baitute.

Zergatik dago Merkel kantzillerra jarrera horren alde? Badakielako Alemaniako zergadunak aspertuta daudela euren zergen dirua jartzeaz Grezia, Irlanda eta Portugal erreskatatzeko.

Baina gobernuak ez daude ados Alemaniarekin. Uste dute, bankuak Greziako zorrean galerak izatera behartzen badira, horrek adieraziko lukeela Greziak ordainketa etena izan duela. Horrek finantzen lurrikara sortuko lukeela uste dute, eta ondorioz, kalte handiak eragingo lituzkeela bere zorra ordaintzeko arazoak dituzten herrialdeetan, adibidez, Espainia, Italia edota Belgikaren kasuan.

Jesús



Informazio gehiago:Eitb: Labirinto greziarra

65 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin