Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Kylie Minogue, Gorillaz eta Christina Rosenvinge, nobedade berriak


2011-11-28 09:01

Disko berriarekin datoz nazioarteko eta Espainiako hainbat musikari.

Aste honetan, nazioarteko eta Espainiako hainbat artistak lan berriak merkaturatuko dituzte. Bildumak eta zuzenekoak dira nagusi Gabon aurreko aste hauetan.

Kylie Minogue abeslari australiarrak Aphrodite Les Folies zuzeneko lana aurkeztuko du. Londreseko O2 Arenan filmatu zuten 2011ko apirilean, bi gautan. Australiarraren bira ikusgarrieneko kontzertua da eta artista bere unerik gorenean jasotzen du. Greziar mitologian oinarritutako dekoratuak eta urez bustitako amaiera ikus daiteke. Dolce & Gabanak esklusiban Kylierentzat sortutako jantziak erakusten ditu. Hainbat formatutan jarri dute salmentan: bi CD, DVDa eta kontzertuaren kartela; bi CD, DVDa edizio mugatuko kutxan eta hamabi orrialdeko liburuxka; BluRay DVDa eta 3Dko DVDa.

Bere ibilbideko onena bildu du Gorillaz taldeak The Singles Collection: 2001-2011 diskoan. Singleak, bideoak eta nahasketa berriak daude albumean, talde birtualaren hamar urtetako ibilbidearen ikus-entzunezko berrikuntzak laburbiltzen dituena.

Un caso sin resolver disko berria aurkeztuko du Christina Rosevingek. Bilduma bat da eta kronologikoki horren ibilbideko onena biltzen du. Maketak, zuzeneko bertsioak, duoak eta abesti ezezagunak ere aurkitu daitezke. Lau CD dira eta edizio mugatuko DVDa ere badago. 50 orrialdeko liburuxka batean artistaren eta diskoaren historia azaltzen du argazkiekin ilustratuta.

Hombres G talde espainiarrak En la playa diskoa argitaratuko du. Zahara de los Atuneseko (Cadiz) El Varadero hotelean zuzenean grabatu zuten eta duo akustikoek osatzen dute. Lan horretan, besteak beste,  Dani Martin, Pereza, Miguel Bose eta Ana Torroja izan dituzte kolaboratzaile. Kantu berri bat ere biltzen du: ?Si seguimos así?.


Sufrimenduaz eta berau gainditzeko ezintasunaz ari da La Casa Azul taldearen lan berria: La Polinesia Meridional. Hitzen eta musikaren artean kontraste handia dago, ordea. Hitzak beldurraz, desengainuaz, sufrimenduaz... ari dira, baina musika, aldiz, koloretsu ageri da: errepikak, orkestazioa, konponketak, produkzioak...

Tiziano Ferrok L?amore e? una cosa semplice disko berria aurkeztu du eta lehenengo singlea ?La Differenza tra me e te? da. ?Zuzenean jotako eta grabatutako diskoa da?- adierazi du Tizianok-?normalean lehenengoan ongi ateratzen zen!?. Kantu pertsonalak dira, horren bizitzako aro berri baten ingurukoak.

Kylie



Informazio gehiago:Eitb: Kylie Minogue, Gorillaz eta Christina Rosenvinge, nobedade berriak

56 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin