Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Kutxetako presidenteek milioi bat euro jaso dituzte, denen artean


2012-02-24 20:22

Mario Fernandezek (BBK) 514.900 irabazi ditu, Xabier Iturbek (Kutxa) 383.000, eta Carlos Zapaterok (Vital), berriz, 183.000 euro.

Hiru euskal kutxetako presidenteek milioi bat euro jaso zituzten 2011n, denen artean.

BBKk, Kutxak eta Vitalek beren zuzendaritza kideen soldatak iragarri dituzte ostiral honetan. Hiru presidenteen artean Mario Fernandez BBK eta Kutxabankeko presideanteak jaso du soldatarik handiena: 514.900 euro. Xabier Iturbek (Kutxa) 383.000 euro irabazi ditu, eta Vitaleko Carlos Zapaterok, berriz, 183.000 euro.

Mario Fernandezek 2010ean baino % 15 gutxiago jaso zuen joan den urtean, BBKk emandako datuen arabera. Jaitsiera hori borondatezkoa izan zela azaldu dute, eta sektoreko soldatarik baxuenetako bat da Mario Fernandezena, erakundearen esanetan.

Presidentea barne, 24 kideek osatzen dute BBKko Administrazio Kontseilua, eta 638.000 euro jaso zituzten hauek (2010ean baino % 4,20 gutxiago).

Xabier Iturbe Kutxako presidenteak 317.000 euro irabazi zituen, eta horiei epe labur eta luzeko helburuak lortzeagatik lortutako 66.000 euro gehitu behar zaizkio, erakundeak berak azaldu duenez.

Administrazio Kontseilu bakoitzagatik 423 euro jaso zituzten Kutxako aholkulariek, eta 361 euro erakundearen batzorde ezberdinetan parte hartzeagatik.

Urtean 15 aldiz biltzen da Administrazio Kontseilua, eta 50 bat batzorde egiten dituzte. Beraz, batez beste urtean 24.000 euro jasotzen dituzte Administrazio Kontseiluan eta batzordeetan parte hartzen dutenek, eta 6.000 euro batzordeetan parte hartzen dutenek.

Carlos Zapatero Vitaleko presidenteak 183.194 euro jaso zituen 2011n, eta Iñaki Gerenabarrenak, berriz, 121.403 euro, dietetan.

Zapatero da Vital kutxan soldata finkoa duen bakarra. Administrazio Kontseiluko kideek artean, Ana Aguirre Industria Kontseilari ohiak 22.568 euro jaso zituen dietetan, Patxi Lazcoz Gasteizko alkate ohiak 17.447 euro, eta Javier Balza Harrizaingo sailburu ohiak, 6.634.

Kutxetako



Informazio gehiago:Eitb: Kutxetako presidenteek milioi bat euro jaso dituzte, denen artean

74 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin