Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Kutxa izpiritua bermatzen bada soilik babestuko du PPk Kutxa Bank


2011-07-01 13:04

Javier de Andres PPren Arabako idazkari nagusiak aurtengo lan ekintzari eustea eskatu du eta PPri esker Vital Kutxaren pisua nabarmen hazi dela adierazi du.

PPk esan du oraindik ez duela euskal kutxen bat-egitearen inguruan iritzirik emango eta Kutxa Bank babesteko baldintza bat jarri du: kutxa izpirituari eustea eta ez izatea beste banku bat.

Javier de Andres PPren Arabako idazkari nagusiak prentsaurrekoa eman du alderdiak bat-egitearen inguruan duen iritzia azaltzeko, hiru euskal kutxen administrazio kontseiluek atzo bat-egitea onartu ondoren.

Hasiera batean Vital Kutxak % 9ko partehartzea izango zuela proposatu zen eta PPk esan zuen partehartze hori handituta bakarrik babestuko zuela bat-egitea.

De Andresen arabera, PPri esker lortu dute Vitalek Kutxa Banken pisu handiagoa izatea, izan ere, Carlos Zapatero (PSE-EEtik gertukoa) Vital Kutxaren presidenteak egindako negoziazioa ez da ona izan.

Horren harira, Vital Kutxak duela astebete administrazio kontseiluan onartu nahi zuen balioa 768 milioi eurokoa zen bitartean, atzo 939 milioikoa izatea adostu zutela azpimarratu du.

Sortuko den banku berri horrek familien, enpresari txiki eta ertainen eta tokiko proiektuen finantziazioaren aldeko apustua egitea nahi du PPk, eta egungo gizarte ekintza mailari eustea, hau da, ez bihurtzea beste banku batean.



Informazio gehiago:Eitb: Kutxa izpiritua bermatzen bada soilik babestuko du PPk Kutxa Bank

64 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin