Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Krisia Kings Of Leon taldera iritsi da


2011-08-02 09:25

Caleb kantariak Dallasen ematen ari ziren kontzertuan agertokitik alde egin zuen eta ez zen berriz agertu. Beste taldekideek barkamena eskatzera igo behar izan zuten agertokira.

Badirudi krisia iritsi dela Kings Of Leon taldera. Asteburuan Dallasen ari zen kontzertua ematen Nashvilleko laukotea eta, hainbat abesti jo ostean, Caleb kantariak agertokia utzi eta alde egin zuen. Gainontzeko taldekideek barkamena eskatu behar izan zieten bertaratutako zale guztiei.

Backstagera noa eta botaka egingo dut. Garagardo bat edan eta itzuli egingo naiz, esan zuen abeslariak. Ez nago mozkorra, beroak itota baino ez nago, adierazi zuen. Baina mozkortuta zegoela antzeman zioten ikusleek.

Bertaratutakoek ez zuten halakorik espero. Matt eta Jared Followill gitarrista eta baxu-jotzailea agertokira igo ziren berriz kontzertua amaitu beharrean zeudela esatera eta barkamena eskatu zieten zaleei. Ez dakit zer esan. Ez da gure errua, Calebena da, ezin baitu kontzertuaren gaineko zatia jo. Badakit gorroto gaituzuela, erre itzazue gure disko alu guztiak. Ahal dugun bezain laster itzuliko gara, adierazi zuten. 

Ez dirudi gertakari hutsa Dallasen gertatutakoak. Kontzertu hori erdizka utzi ostean, AEBetako bira osoa utzi zuten bertan behera Kings Of Leon taldekoek. Badirudi barne arazo larriak dituztela.

1999an sortu zuten taldea Nashvillen Caleb, Jared, Matt eta Nathan Followillek. Anaiak eta lehengusuak dira guztiak. Only By The Night izeneko laugarren diskoarekin lortu zuten mundu mailako arrakasta, batik bat Sex on fire eta Use somebody kanteui esker. Azken aldian Come around the sun diskoa zuzenean aurkezteko biran murgilduta zebiltzan. Arrakastaremn bdiean zebilen taldea baina, agian, ez dute behar bezala barneratu. Ikusiko dugu aurrerantzean zer gertatzen den. 

Ikusi azpiko bideoan Dallaseko emanaldian izandako gertakaria.

ings



Informazio gehiago:Eitb: Krisia Kings Of Leon taldera iritsi da

62 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin