Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Kontzertuek eta festek eta giro aparta sortuko dute asteburuan


2011-07-14 12:29

La Pegatina, Slash, Kop eta euskal taldeen zuzenekoek girotuko dute asteburua.

Heldu da osteguna eta badirudi datorren asteburuan ere kontzerturik ez dela faltako Euskal Herrian. Zer entzungo dugun? Hemen duzue datozen egunetako musika agenda:

OSTEGUNA

Gaurko gauari begira hiru kontzertu aipatuko ditugu: Petti eta Joseba Irazokik Alegin eskainiko dutena, La Pegatina eta Mala Noche taldeen Barakaldoko emanaldia eta Soziedad Alkoholikak La Pop?lla taldearekin batera Donostian eskainiko duen zuzenekoa.

OSTIRALA

Gipuzkoan egingo dugu ostiraleko lehen geldialdia. Bestalde, Alegiko Plaza Nagusian Zea Mays izango da eta Donostian, Anje Duhalde.

Gainerako kontzertu aipagarrienak Bizkaian izango dira. Ze Esatek eta Azken Gaua Barakaldon arituko dira, Oreka TX-ek ikuskizun berezia eskainiko du Lekeition herriko musika bandarekin batera, Markinan Willis Drummond, Gose eta Kop egongo dira festak girotzen, Basakik eta Uzzhuaiak Sopelan joko dute eta Ken Zazpik Zornotzan.


LARUNBATA

Larunbat gauean ere zuzeneko aipagarri bat izango dugu Alegiko jaietan, Gose taldearen eskutik. Ze Esatek! Donostian izango da larunbatean eta Ordizian Goierriko Punk Festibala egingo dute, Manolo Kabezabolo, Sutura, Zutik dirau eta Cuarto de hora taldeekin, besteak beste. Gainera, Pasaiak Hesian, Des-kontrol eta Lauroba taldeen bisita jasoko du.

Bilbon, Kukutza gaztetxearen aldeko festa egingo dute larunbatean eta musikak toki garrantzitsua beteko du han: 121 Krew, Bad Sound System, Esne Beltza eta beste asko arituko dira Kukutzan.

Horrez gain, Bermeok Aritzatxu Rock Free jaialdia hartuko du eta Otxandiok Jare, Su Ta Gar eta Izargi taldeen zuzenekoak.

IGANDEA

Asteburua behar bezala amaitzeko, Slashen musika entzuteko aukera izango dugu Barakaldoko RockStar aretoan.

src=http://www.eitb.com/multimedia/images/2009/03/11/79054/79054_pegatinaokok_detalle_1.jpg/



Informazio gehiago:Eitb: Kontzertuek eta festek eta giro aparta sortuko dute asteburuan

576 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin