Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Konstituzioaren erreforma sakona iragarri du Mohamed VI.ak Marokon


2011-03-09 22:56

Nazioari emandako hitzaldi batean, Marokoko erregeak aukera ausartzat jo du Konstituzioaren erreformaren iragarpena.

Mohamed VI.a Marokoko erregeak iragarri duenez, Konstituzioaren erreforma sakona egingo du batzorde batek, besteak beste, lehen ministroaren eskumenak gehitzeko eta botere exekutibo eraginkor bat sortzeko. Aldaketa horiek guztiak erreferendum bidez onartuko lituzkete.

Nazioari emandako hitzaldi batean, Marokoko erregeak aukera ausartzat jo duena iragarri du, eta Konstituzioa aztertzeko batzorde berezi baten eraketa aldarrikatu du. Alderdi politikoekin, sindikatuekin eta gizarte zibileko kideekin bildu ostean, batzorde horrek zuzenketen proposamen bat aurkeztuko du ekainean.

Konstituzio berriaren onarpena erreferendum bidez egitea espero dugu, esan du Mohamed VI.ak. Ildo horretan, herriaren interes nagusiak kontuan izateko eskatu du. Halaber, Marokoko eredu demokratikoaren sendotze prozesuaren bidean oinarrizko pausua izatea espero duela esan du Mohamed VI.ak.

Erreformaren ardatz nagusienen artean botere ezberdinen arteko banaketa eta oreka mantentzea dago. Hori horrela, Diputatuen Ganberari zeregin berriak eman nahi dizkio, ordezkapen eta kontrol handiago izateko. Halaber, hiritarrek aukeratutako eta parlamentarien konfiantza duen Gobernua osatu nahi duela adierazi du.

Era berean, erreforma horren bitartez, boto gehien lortu zituen alderdiak aurkeztutako lehen ministroaren izendapena berretsi nahi du. Ildo horretan, lehen ministroak Gobernuaren eta administrazio publikoaren erantzukizun osoa bere gain hartzeko proposatu du.



Informazio gehiago:Eitb: Konstituzioaren erreforma sakona iragarri du Mohamed VI.ak Marokon

55 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin