Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Kirola egiteak bizia luzatzen du eta telebista ikusteak, murriztu


2011-08-17 11:16

Bi ikerketa ezberdinen arabera, 15 minutuko ariketa fisikoak bizi-itxaropena hiru urtez luza dezake. Telebista ikusteak, berriz, hiltzeko arriskua handitu egiten du.

Egunero 15 minutuko ariketa fisikoak egiteak (edo astean 92 minutu) bizi-itxaropena hiru urtez luza dezake, The Lancet aldizkariak argitaratutako ikerketaren arabera. Bestalde, egunean 6 ordu telebista aurrean egoteak 5 urte murriztu dezake bizi-itxaropena, bigarren ikerketa baten arabera.

Lehenengo txostenaren arabera, kirol gutxi egiteak heriotzak % 14 murriztu ditzake. Kirola egitearen onurak oso esanguratsuak dira, gomendatutako asteroko 150 minutuetara iritsi gabe, dio ikerketak.

Dokumentuak aipatzen duenez, egunero 15 minutu gehiagoko ariketa fisikoak egiteak % 4 murrizten du hiltzeko arriskua, egunero 100 minutuko ariketetara heldu arte. Horrez gain, egunero 30 minutu kirol egiteak 4 urtez luza dezake bizi-itxaropena.

Bestalde, telebista ikusteak hiltzeko arriskua handitzen duela adierazi dute bigarren ikerketako arduradunek. Gauzak horrela, egunean 6 ordu telebista aurrean egoteak 5 urte laburtu dezake bizi-itxaropena.

Ikerketa hau Australian egin dute, Internet bidez. Telebista ikustearen ondorioak erakusten ditu, eta kirola ez egitearekin edota erretzearekin alderatzen ditu.

Telebista ikusten ematen dugun ordu bakoitzean 22 minututan laburtzen dugu gure bizi-itxaropena, ikertzaileen arabera.

src=http://www.eitb.com/multimedia/images/2011/06/01/487026/487026_Udane_Errasti_triathlon_mutilak_korrik_2_detalle_1.jpg/



Informazio gehiago:Eitb: Kirola egiteak bizia luzatzen du eta telebista ikusteak, murriztu

70 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin