Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Kaskagorrik antolatutako ekimenak bertan behera uzteko exijitu dute


2011-08-18 12:49

Abuztuaren 25erako antolatutako bi ekitaldi aipatzen ditu Dignidad y Justiciak: errepresaliatuen senideekin egin behar duten bazkari bat eta, egun berean, brindis bat.

Kaskagorri Bilboko konpartsak Aste Nagusiari begira antolatu dituen ekimenak bertan behera uzteko eskatu dio Dignidad y Justicia elkarteak Auzitegi Nazionalari. Elkartaren iritziz, ETA eta bere presoak goratzeko ekimenak dira Kaskagorrik antolatutakoak.

Epaitegiari bidalitako idazkarian, abuztuaren 25erako antolatutako bi ekitaldi aipatzen ditu Dignidad y Justiciak: errepresaliatuen senideekin egin behar duten bazkari bat eta, egun berean, brindis bat.

Horrez gain, hurrengo egunean egin behar duten bigarren bazkari bat debekatzea ere eskatu du Daniel Porteroren elkarteak.
Bilboko Udalak ezarritako debekuaren gainetik, Kaskagorrik hainbat ekitaldi iragarri dituela salatu du Dignidad y Justiciak.

Aste Nagusiari begira antolatutako ekitaldiak ETAri babesa ematen dioten taldeek erabiltzen dituztela dio idazkiak, ETAko presoen argazkiak erakusteko eta preso hauek egindako delituak goratzeko. Modu honetan, terrorismoaren biktimak umildu egiten dituztela azpimarratu du elkarteak.

2009. urtean, Bilboko Udalak Kaskagorri eta Txori Barrote konpartsak zigortu zituen, haien txosnetan ETAko presoen argazkiak eta kartelak erakusteagatik.



Informazio gehiago:Eitb: Kaskagorrik antolatutako ekimenak bertan behera uzteko exijitu dute

59 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin