Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Kartzelan denbora gehien eman duen ETAko presoa gaur utziko dute aske


2011-04-13 08:08

Jose Maria Sagurdi, Gatza, ia 31 urte izan da espetxean. Herrizaingo Sailak gaur eta larunbatean Amorebieta-Etxanon egitekoak ziren bi omenaldi debekatu ditu.

Jose Maria Sagardui, Gatza, espetxean denbora gehien eman duen ETAko presoa, gaur utziko dute libre Jaenen (Andaluzia), kartzelan 30 urte eta bederatzi hilabete egon eta gero.

Atzo, Eusko Jaurlaritzako Herrizaingo Sailak gaur eta larunbatean Amorebieta-Etxanon egitekoak ziren bi omenaldi debekatu zituen.

Espetxe Zuzendaritzaren iturriek azaldu dutenez, Sagarduik gaur beteko du kartzela zigorra. 21 urte zituela atxilotu zuten, 1980ko uztailaren 10ean, eta 52 urte dituela aterako da kartzelatik.

1973ko Zigor Kodea oinarri epaitu zutenez, zigorra murrizteko neurriak ezarri zizkioten, espetxetik ihes egiten saiatu zen arte. Horren ostean, zigor murrizketa programatik at utzi zuten, eta 29 urte bete behar izan zituen kartzelan.

Preso egon den beste urte eta bederatzi hilabeteak Parot doktrina ezarri ziotelako, ihes egiten saiatu zelako eta funtzionario bati eraso ziolako bete ditu.

Parot doktrinak zer ezartzen du, zigor murrizketak espetxe-zigor osoa kontuan hartuta kalkulatu behar direla, gehienez jota bete daitekeen urte kopurua izan beharrean.

Auzitegi Nazionalak 23 urte, lau hilabete eta egun bateko espetxe zigorra ezarri zion 1978an Juan Cruz Hurtado Fernandez hiltzeagatik, eta 14 urte eta zortzi hilabetekoa urte berean Jose Maria Arrizabalaga Arcocha hiltzeagatik.


Neurriak espetxearen atarian

Fernando Calahorro Espainiako Gobernuak Jaenen duen ordezkariak zehaztu duenez, Exekutiboak neurriak abiatu ditu Sagarduiren irteera baketsua izan dadin.

Izan ere, bi elkarretaratze egingo dituzte espetxearen atarian: bat, Gatzari harrera egiteko, eta beste bat, protesta egiteko.


Beste lau preso historiko, libre hurrengo asteetan

Gatza ez ezik, ETAko beste lau preso historiko ere utziko dituzte libre hurrengo asteetan, zigorrak bete eta gero.

Hain zuzen ere, Jose Maria Mugika Pikabea, Jon Agirre Agiriano, Estanislao Lopez Agiriano eta Andres Errandonea Arruti aterako dira espetxetik.




Informazio gehiago:Eitb: Kartzelan denbora gehien eman duen ETAko presoa gaur utziko dute aske

133 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin