Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Juantxo Lopez de Uralde epaituko dute gaur Kopenhageko protestagatik


2011-06-20 08:59

Greenpeaceren zuzendari ohiak eta beste ekintzaile batzuek Margarita erreginaren afari batean sartzea lortu zuten estatuburuen lekuan jarrita eta pankarta batzuk erakutsi zituzten.

Juantxo Lopez de Uralde Greenpeaceren zuzendari ohiaren eta GKEko beste kide batzuen kontrako epaiketa gaur hasiko da Kopenhageko Klima Aldaketaren goi-bileran, 2009an, egindako protesta bategatik, erakundeak jakitera eman duenez.

Ekintzaileak Christiansborg Jauregian sartu ziren 2009ko abenduaren 17an Margarita Danimarkako erreginak munduko hainbat buruzagirentzat antolatu zuen afari batean eta orain, kartzela-zigorra eskatzen dute haien kontra.

Greenpeacek azaldu duenez, protesta ekintzan bi pankarta erakutsi zituzten Politikariek hitz egiten dute, buruzagiek jarduten dute. Hiru ekintzaileak Amalurraren estatuburu, emazte eta bizkartzain gisa aurkeztu zituzten euren buruak eta segurtasun kontrol guztiak gainditu zituzten.

Hala ere, pankartak erakutsi ondoren, atxilotu egin zituzten eta donostiarra, Nora Christiansen, Christian Schmutz eta Joris Thijseen ekintzaileek 20 egun pasa zituzten kartzelan. Azkenean, Danimarkako Fiskaltzak Greenpeaceren hamaika ekintzaile auzipetu ditu bizilekua bortxatzea, dokumentuak faltsutzea eta funtzionario publikoen lekuan jartzea leporatuta.

Era berean, Fiskaltzaren salaketa larriagoa da erreginaren kontrako delitua ere leporatzen dietelako. Hori dela eta, 11 ekintzaileei kartzela-zigor handiak eta isunak jartzeko arriskuaz ohartarazi du Greenpeacek.

2009ko klimaren goi-bileran protesta egiteko genuen arrazoiak bizirik jarraitzen du. Ez ziguten jaramonik egin Kopenhagen. Orain kartzelara bidali nahi gaituzte. Zer egin behar da klima aldaketaren mehatxua serio har dezaten?, salatu du Miren Gutierrez Greenpeaceren zuzendariak.



Informazio gehiago:Eitb: Juantxo Lopez de Uralde epaituko dute gaur Kopenhageko protestagatik

66 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin