Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Jose Antonio Arana Martija euskaltzaina hil da


2011-04-27 21:24

1988an euskaltzain oso izendatu zuten eta 2006an euskaltzain emeritu. Bere aldeko hileta elizkizuna apirilaren 28an izango da, 19:00etan, Gernikako Andra Mari parrokia nagusian.

Jose Antonio Arana Martija euskaltzaina hil zen atzo, 80 urte zituela. Dokumentalista eta bibliografo gisa lan handia egin zuenez, euskaltzain oso izendatu zuten 1988an eta euskaltzain emeritu, 2006an. Bere aldeko hileta elizkizuna apirilaren 28an izango da, 19:00etan, Gernikako Andra Mari parrokia nagusian.

Gernika-Lumon jaio zen 1931n. Ikasketak Gernikako ikastolan hasi ostean, Frantzian, erbestean, jarraitu behar izan zituen. 1942an Humanitateak ikasten hasi zen, eta Batxilergoa amaitu zuen ondoren, Valladoliden. Deustuko Unibertsitatera abiatu zen jarraian Zuzenbide ikasketak egitera, Andres Mañarikuaren gomendioz. Valladoliden lizentziatu zen, eta gerora, Bilboko Ekonomia Fakultatean Ekonomia ikasketak egitea erabaki zuen.

Hainbat lanpostu izan ostean, 1978an Euskaltzaindiak kontratatu zuen Azkue Liburutegiko liburuzain eta arduradun izateko. Urtebete geroago, Akademiak euskaltzain urgazle izendatu zuen. Euskaltzain oso, berriz, 1988ko urriaren 28an aukeratu zuten, Juan Gorostiagaren ordez. Sarrera hitzaldia Gernikan egin zuen, 1989ko uztailaren 28an, Euskaltzaindiko aulkien historiaz hurbiltze bat gaia hartuta. Aita Villasantek erantzun zion.

Euskaltzaindiaren baitan, Zuzendaritzako kide izan zen, bibliotekaria izateaz gain, eta Azkue Liburutegiko batzordeburua. Diruzaina ere izan zen, 1988tik 2003ra arte, eta Argitalpen batzordeko kide ere bai. 2006ko uztailaren 20an, euskaltzain emeritu izendatu zuen Euskaltzaindiak.

Sari eta omenaldi ugari jaso zituen bere ibilbidean zehar. 1998an Euskal Idazleen Elkarteak omendu zuen, 2004an Bilboko Liburu Azokak Urrezko Luma eman zion, 2010ean Eusko Ikaskuntzaren Manuel Lekuona Saria eman zioten, 2007an Gernikako Udal Liburutegiak Arana Martija izena jaso zuen eta 2010eko martxoaren 13an Gernika-Lumoko Udalak eta herriko hainbat kultur elkartek omenaldia egin zioten.

Ikerketa-lan eta artikulu ugari argitaratu zituen, euskarari, euskal musikari eta euskal kulturari lotutakoak, besteak beste, honakoak: Antonio Tovar euskalariaren oroipena (1993); Louis-Lucien Bonaparte. Visión lingüística de Europa en el siglo XIX (1996); Aranzazu y la historia musical del País Vasco (1968); El Padre Madina, músico vasco y universal (1972); La música del Barroco al Romanticismo (1989); Karmelo Etxegarai, idazle Gernikan (1975); R.M. Azkue: Herri Jakintzatik euskara modernora (1999); eta abar.

Jose



Informazio gehiago:Eitb: Jose Antonio Arana Martija euskaltzaina hil da

152 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin