Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Jitoan zegoen Costa Crucerosen ontzia atoian eraman dute


2012-02-28 08:32

Sute baten ondorioz motorra itzali behar izan zuten. 636 bidaiari, horietako 15 espainiarrak, eta 413 eskifaiako langile daude bertan.

Costa Allegra itsasontzia, atzo sute baten ondorioz motorra itzali eta Indiako Ozeanoan jitoan egon zena, atoian eraman dute Desroches irlara, Seychelle uharteetako Turismo Agintaritzak jakitera eman duenez.

Alain Saint Ange Turismo Agintaritzako zuzendariak azaldu duenez, Desrochesen luxuzko turismo zentro bat dago eta bidaiariak han egongo dira Mahera, uharte garrantzitsuenera, joan aurretik.

Itsasontziaren jabearekin hitz egiten ari gara zer egin erabakitzeko; hala ere, bidaiariak hegazkinez eramatea ari gara pentsatzen, adierazi du Saint Angek.

Hoteletan bidaiari guztientzako tokirik ez dela egongo uste du agintariak, izan ere, inauteriak hasiko dira bertan ostiralean eta jende andana omen dago.

Hurrengo pausoa Seychelle uharteetatik joatea izango da, baina ziurrenik ez da hegaldirik egongo bidaiari guztientzat epe motzean.

Costa Allegraren egoerari dagokionez, Saint Angek adierazi du Mahera eraman nahi dutela atoian, baina hori bi egun inguruko lana izan litekeela.

Atzo, itsasontzia jitoan egon zen Seychelle uharteetatik 321 kilometrora, itsas-lapurren presentzia handia den eremu batean.

Ontzian 636 bidaiari daude, horietako 15 espainiarrak, eta eskifaia 413 langilek osatzen dute.

Konpainia bereko Costa Concordia itsasontziak hondoa jo eta 25 hildako utzi eta hilabete eta erdira gertatu da gaurko istripua.



Informazio gehiago:Eitb: Jitoan zegoen Costa Crucerosen ontzia atoian eraman dute

155 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin