Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Jaurlaritzarentzat justifikaezina da Haurreskolen greba


2011-06-16 09:59

Hezkuntza Sailaren lan bikaina zikintzeko ELAk, STEE-EILASek eta LABek asmo txarrez jokatu dutela uste du.

Hezkuntza Sailarentzat justifikaezina eta justifikatu gabea da gaurko ELAk, STEE-EILASek eta LABek Haurreskoletan deitu duten lau orduko lanuztea. Isabel Celaa buru duen Hezkuntza Sailaren lan bikaina zikintzeko ELAk, STEE-EILASek eta LABek asmo txarrez jokatu dutela uste du Jaurlaritzak.

Jaurlaritzak agiri batean azaldu duenez, protesta justifikaezina da garaiotan eta bereziki ekaineko soldatan, Auzitegi Nagusiaren aginduz, egin zitzaien murrizketa itzuliko dietela kontuan izanda.

Haren esanetan, hiru sindikatuek Hezkuntza Sailaren kontrako asmoa eta jarrera erakusten dute pisuzko argumenturik gabe, izan ere, lehendakaritik hasi eta EAEko langile publiko guztietaraino, gastua eta defizit publikoa murrizteko lan egin dute denek, Eusko Legebiltzarrak hala erabaki zuelako.

Botere judizialak ebatzi du Partzuergoak gehiegikeriaz jokatu duela soldata murrizketan eta hori dela eta, dirua itzultzea erabaki dute, gogorarazi du Jaurlaritzak.

Gainera, Hezkuntza Sailak eta Haurreskolak Partzuergoa osatzen duten udalek dirua itzultzea eta helegitea aurkeztea erabaki duela azpimarratu du Jaurlaritzak, helegitea onartuta ere itzulitako dirua hor geratuko delako.

Hezkuntza Sailak ez du 450.000 eurotan murriztu aurrekontua, sindikatuek salatzen duten moduan, diru horrekin 2010eko soldata murrizketa ordainduko baitu, argitu du.



Informazio gehiago:Eitb: Jaurlaritzarentzat justifikaezina da Haurreskolen greba

109 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin