Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Jaurlaritzak kudeatuko ditu kartzelatik kanpo betetzen diren zigorrak


2011-07-20 08:55

Justizia Sailak jasoko ditu auzitegien ebazpenak, eta bere esku egongo da betearaztea komunitateko gizarte-lanak direnean edo askatasuna ez mugatzea ebazten denean.

Eusko Jaurlaritzak eta Espetxeetako Zuzendaritza Nagusiak bi lan-hitzarmen sinatuko dituzte gaur EAEn kartzelatik kanpo betetzen diren zigorrak Jaurlaritzak kudea ditzan, Radio Euskadik jakitera eman duenez.

Hemendik aurrera, Justizia Sailak EAEko auzitegien ebazpenak jasoko ditu eta bere esku egongo da betearaztea, komunitateko gizarte-lanak direnean edo askatasuna ez mugatzea ebazten denean.

Eusko Jaurlaritzarentzat urrats garrantzitsua da akordio horren sinadura zigorren kudeaketa hobetzeko. Gainera, Gasteizko Gobernuak aitortu du ez dela eskumenaren transferentzia, baina ez duela esan nahi Kartzelaren eskumenari uko egin diotela.

Beste lan-hitzarmena Arabako, Bizkaiko eta Gipuzkioako espetxeetan zigorra bete duten presoak lan munduan eta gizartean txertatzeko neurrietara bideratuko dute. Espetxeetako Zuzendaritza Nagusiak hautatuko ditu egitasmoan parte hartzeko hautagaiak, eta bere esku egongo da haien kontrola, baina Justizia Sailarekin elkarlanean arituko da.

Eusko Jaurlaritzako iturriek azaldu dutenez, presoek lana lortzea, familiarekiko harremanak berreskuratzea eta drogen kontsumoa uztea izango dute helburu.

Justizia Sailak finantzatuko ditu ekintza guztiak, eta 2011rako milioi bat euro inguruko aurrekontua izango du.



Informazio gehiago:Eitb: Jaurlaritzak kudeatuko ditu kartzelatik kanpo betetzen diren zigorrak

194 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin