Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Jaurlaritzak funtzionarioen lan-baldintzen murrizketa onartuko du gaur


2012-01-10 07:08

67.000 funtzionariori eragingo die eta haien kontura 90 milioi euro inguru aurreztu nahi dituzte 2012an. Besteak beste, soldatak izoztu egingo zaizkie.

Eusko Jaurlaritzaren Gobernu Batzordeak EAEko Administrazioko langileen lan-baldintzen murrizketa onartuko du gaur dekretu bidez. 67.000 langile ingururi eragingo dien neurriari esker 90 milioi euro aurreztu nahi dituzte.

Besteak beste, Patxi Lopez lehendakariaren Jaurlaritzak Espainiako Gobernuak 2011 amaieran onartutako soldaten izoztea ezarriko du eta argi berdea emango die Aurrekontuen Legean aurreikusten diren neurri gehigarriei, sindikatuekin Funtzio Publikoaren Mahai Orokorrean adostasunera iritsi ez zirelako. Sindikatuek utzi egin zuten mahaia iragan abenduan.

Jaurlaritzako iturriek jakinarazi dutenez, borondatezko erretiroa hartzeagatik ematen ziren sariak kendu egingo dira eta behin behineko ezgaitasunagatik ematen ziren gehigarriak ere deuseztatuko dira lan absentismoari aurre egiteko, eta 43,8 milioi euro aurrezteko.

Funtzionarioak 65 urtera iristen direnean jarduera luzatzeko zuten aukera ere bertan behera geratuko da.

Dekretuaren xehetasunak Gobernu Batzordearen bileraren ondoren emango dituzte.

Lan-jardunaldiaren luzapena

Espainiako Gobernuak abenduaren 30ean funtzionarioen soldatak izoztea eta asteko jardunaldia 2,5 orduz luzatzea erabaki ostean onartuko du dekretua Jaurlaritzak.

Soldaten izozteak, oinarrizko izaera duenez, Estatuaren administrazio guztiei eragingo die, beraz, EAEko funtzionarioei ere bai.

Asteko lan-orduak 2,5 luzatzeari dagokionez, Jaurlaritzak oraindik ez du erabakirik jakinarazi eta gaur aztertuko dute Gobernu Batzordean.

67.000



Informazio gehiago:Eitb: Jaurlaritzak funtzionarioen lan-baldintzen murrizketa onartuko du gaur

45 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin