Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Jaurlaritzak Bilduri egotzi dio Gipuzkoako turismoaren beherakada


2012-01-24 18:45

Juan Karlos Izagirreren esanetan, Donostiako turismo datuek ez dute bat egiten Eusko Jaurlaritzak plazaratutakoekin.

Azken hiru hilabeteotan Gipuzkoako turismoak izan duen beherakada Bildu instituzioetara heltzearekin batera lurraldean izan den ziklo politikoaren aldaketarekin egiten du bat, Eusko Jaurlaritzaren ustez. Donostiaren kasuan, azken bost hilabeteotan izan omen da beherakada hori, Jaurlaritzak azpimarratu duenez.

Salaketa hauen aurrean, balantzea egiteko hiru hilabete oso epe laburra dela esan du Larraitz Ugarte Gipuzkoako Foru Aldundiko bozeramaileak. Gainera, kritikatu egin du beste herrialde batzuekiko konparazioa turismo kontuetan egin izana, eta ez langabezia edo esportazioa bezalako gaietan. Azken hauetan Gipuzkoak posizio garrantzitsua duela gogoratu du bozeramaileak.

Juan Karlos Izagirre Donostiako alkateak, bestalde, azpimarratu nahi izan du turismoaren inguruan hirian dituzten datuak ez datozela bat Jaurlaritzak plazaratutakoekin, eta asteazken honetan Donostiako datuen berri emango duela ere iragarri du.

Datuen inguruko hika-mika
Azken 20 urteotan turismoaren inguruko datu ofizialak Eustatek bildu eta aztertzen dituela esan du Turismo Sailak ohar batean, eta, zentzu honetan, orain arte ez diela zalantzan jarri azpimarratu du.

Dena den, Pilar Zorrilla sailburuordearen hitzetan irtenbidea ez da Eustaten datuen egiazkotasunaren inguruan eztabaida bat sortzea, baizik eta arazoaren oinarria zein den aztertzea. Horretarako, bilera egitera deitu ditu Gipuzkoako Foru Aldundia eta Donostiako Udala.


Jaurlaritzak



Informazio gehiago:Eitb: Jaurlaritzak Bilduri egotzi dio Gipuzkoako turismoaren beherakada

77 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin