Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Jaurlaritzak baja hartzen duten funtzionarioen soldata murriztuko du


2012-01-10 13:33

Hala, lan-istripuagatik edo gaixotasun komunagatik, orain arte ez bezala neurtuko da soldata, eta lehenengo hiru egunetan % 50 soilik ordainduko da.

Eusko Jaurlaritzak EAEko Administrazioko 67.000 funtzionariori eragingo dien lan-baldintzen murrizketa onartu du gaur. Neurri horrekin, Jaurlaritzak 90 milioi euro aurreztu nahi ditu 2012an.

Hori horrela, Jaurlaritzak bertan behera utziko ditu 2012an borondatezko erretiroagatik ematen ziren sariak, errelebo kontratuei buruzko konpromisoak, jardunaldia murriztuta soldata murrizketarik ez izateko aukera eta 65 urte betetzen dituzten funtzionarioei lanaldia luzatzeko aukera.

Era berean, Jaurlaritzak gaixotasun bajei lotutako gehigarrien taula onartu du.

Gertakizun arruntek eragindako aldi baterako ezintasunagatik ordaintzen den enpresa-osagarria hartzekoen % 100 arte osatuko da, gertakizunaren zioa honako kasu hauetakoren batek eragiten duenean: Amatasuna, aitatasuna, haurdunaldiagatiko arriskua, arriskua edoskitzaro naturalean, ospitaleratzea, ebakuntza kirurgikoa eta laneko gertakizunak.

Lan absentismoaren kontra borrokatzeko, bertan behera geratuko dira behin behineko ezgaitasunagatik ematen ziren gehigarriak, Idoia Mendia bozeramaileak azaldu duenez.

Hala, lan-istripuagatik edo gaixotasun komunagatik, orain arte ez bezala neurtuko da gehigarria: Bajako lehenengo egunetik bajako hirugarren eguna arte, ordainsarien % 50 ordainduko da, urteko lehenengo baja denean, eta % 40, bigarren bajan. Ondorengo bajetarako, osagarria laugarren egunetik aurrera ordainduko da. Bajako laugarren egunetik hogeigarren eguna arte, osagarri bat ordainduko ordainsarien % 75 iritsi arte. Hogeita batgarren egunetik berrogeita laugarren eguna arte, osagarri bat ordainduko da, ordainsarien % 85 iritsi arte. Bajako berrogeita bosgarren egunetik aurrera, osagarri bat ordainduko da, ordainsarien % 100 iritsi arte.

Espainiako Gobernuak abenduaren 30ean funtzionarioen soldatak izoztea erabaki ostean onartu du dekretua Jaurlaritzak. Soldaten izozteak, oinarrizko izaera duenez, Estatuaren administrazio guztiei eragingo die, beraz, EAEko funtzionarioei ere bai.

src=http://www.eitb.com/multimedia/images/2012/01/10/595257/595257_mendia_detalle_1.jpg/



Informazio gehiago:Eitb: Jaurlaritzak baja hartzen duten funtzionarioen soldata murriztuko du

65 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin