Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Jaurlaritzak Agirreren Gobernuaren 75. urteurrena ospatuko du


2011-10-07 09:46

Gobernu Kontseilua Gernikako Juntetxean bilduko da 1936ko urriaren 7an lehenengo Jaurlaritza osatu zela oroitzeko.

Eusko Jaurlaritzaren Gobernu Kontseiluak aparteko bilera egingo du gau Gernikako Juntetxean lehenengo Autonomia Estatutuak eta Agirreren Jaurlaritzak 75 urte beteko dituela ospatzeko.

Jaurlaritzak azaldu duenez, asteroko bilera ostiralera mugitu dute urriaren 7an izan dadin, orduan hartu baitzuen kargua Agirre lehendakariak.

1936ko urriaren 7an osatu zen lehenengo Behin behineko Eusko Jaurlaritza hura izan zen Euskadiren eta autogobernuaren lehenengo adierazpide modernoa. Frankismoaren aurrean demokrazia babesten zuten alderdien akordioari esker sortu zen.

1936ko gerra hasi eta hiru hilabetera egin zuten bat lehenengo aldiz, Madrilgo Gorteetan Autonomia Estatutua onartzeko lehenengo eta sei egunera koalizio gobernu bat osatzeko. EAJk, PSOEk, EAE-ANVk, Izquierda Republicanak, Union Republikanak eta Alderdi Komunistak egin zuten bat.

Hiru politikari nagusik lortu zuten II. Errepublikan abertzaleen aldarrikapen nagusia zena egi bihurtzea: Indalecio Prieto ministro sozialistak, Manuel de Irujo diputatu jeltzaleak eta Jose Antonio Agirre lehenengo lehendakariak. 32 urterekin izendatu zuten lehendakari gaurko egunez duela 75 urte eta okupatu gabe zeuden udalerrietako alkate eta zinegotzi ia guztien babesa jaso zuen.

Lehenengo Jaurlaritza haren batez besteko adina 37 urtekoa zen eta hamaika kideetako 3k soilik zituzten 40 urte baino gehiago.

Abertzaleen, errepublikanoen, komunisten eta tradizionalisten batasun hark 8 hilabete iraun zuen. Aparteko egoera batean egin zen Estatutua eta 1933koa eta 1979koa baino mugatuagoa bazen ere, Jose Antonio Agirreren Jaurlaritzak Armada, moneta, unibertsitatea eta Ertzaintza izan zituen.

Euskal sistema demokratikoaren defentsak 7.000 hildako utzi zituen, 6.000 fusilatu, 45.000 preso eta 150.000 herbesteratu.

Eusko Jaurlaritza eredugarria izan zen Europa osoan askatasunaren defentsagatik eta gerra egoeran egin zuen giza kudeaketagatik.



Informazio gehiago:Eitb: Jaurlaritzak Agirreren Gobernuaren 75. urteurrena ospatuko du

46 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin