Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Jaurlaritzak 70 milioi gehiago bideratuko ditu gizarte laguntzetara


2011-11-08 16:48

Diru-sarrerak Bermatzeko Errentaren eta Etxebizitzako Gastuetarako Prestazio Osagarriaren hartzaile kopurua handitu egin da eta ondorioz, Jaurlaritzak espero baino gehiago bideratuko du laguntzetara.

Diru-sarrerak Bermatzeko Errentaren Etxebizitzako Gastuetarako Prestazio Osagarriaren hartzaile kopurua hazi egin da eta, ondorioz, Eusko Jaurlaritzak aurreikusita zuena baino 70 milioi euro gehiago erabili beharko ditu gizarte laguntza horiek ordaintzeko.

2011ko aurrekontuetan 280 milioi euroko aurrekontua zegoen aurreikusita Diru-sarrerak Bermatzeko Errentarentzat eta 42 milioikoa Etxebizitzako Gastuetarako Prestazio Osagarriarentzat, 2012ko aurrekontuen proiektuan jasotzen den zenbateko berdina, alegia.

Jaurlaritzako Enplegu eta Gizarte Sailaren datuen arabera, gizarte laguntza horiek jasotzen dituen hiritar kopurua igo izana da aurrekontua 70 milioi eurotan indartzeko arrazoia.

Gema Zabaleta sailburuak bere Sailaren 2012ko aurrekontuak zehazteko agerraldia egin du Legebiltzarrean. Guztira 925,5 milioi euroko aurrekontua izango du, aurtengoa baino % 1,7 gutxiago.

Aurrekontuaren % 80 baino gehiago Lanbidera bideratuko da, datorren urte hasieratik erakunde horrek kudeatuko ditu, hain zuzen, Diru-sarrerak Bermatzeko Errenta eta Etxebizitzako Gastuetarako Prestazio Osagarria bezalako gizarte laguntzak.

Lanbidek 780,2 milioi euroko aurrekontua izango du. Haietatik 326,8 milioi Diru Sarreren Bermatzeko Errentako sistemari zuzenduko ditu (aurrekontuaren % 42), 273,3 milioi euro enpleguari eta hezkuntzari (% 35) eta 180 milioi euro Gizarte Segurantzako kuoten hobariei (% 23).

Aurrekontuaren proiektuaren alderik polemikoena gizarte laguntzen % 7ko murrizketa da. Hala ere, sailburuak azpimarratu duenez, baldintzak betetzen duen inor ez geratuko da artatu gabe.



Informazio gehiago:Eitb: Jaurlaritzak 70 milioi gehiago bideratuko ditu gizarte laguntzetara

45 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin