Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Japoniako surfa protagonista, aurtengo Amstel Surfilm Festibalen


2011-06-03 10:18

Surfa, zinema, artea eta musika uztartzen dituen Donostiako jaialdiak bederatzigarren edizioa du aurten. Estreinakoz, hainbat ekintza egingo dituzte San Telmo Museoan.

Donostiako Amstel Surfilm Festibal jaialdiaren bederatzigarren edizioa asteburu honetan hasiko da. Surfa izango dugu nagusi Gipuzkoako hiriburuan, zinema, arte eta musika proposamenekin batera. Aurten leku berezia egingo diote programazioan Japoniako surfari.

Berez ekainaren 8tik 12ra bitartean izango da jaialdia; baina aurretik, asteburu honetan, giroa berotzen hasteko hainbat ekitaldi egingo dituzte Donostian. Espazio berria ere estreinatuko du aurtengo edizioak: ateak ireki berri dituen San Telmo Museoak hainbat ekitaldi hartuko ditu.

Bertan ikusgai dugun 6 Mila Milioi Beste aldi baterako erakusketa dela-eta, Japón@Surfilm zikloa jarri du martxan Donostiako Amstel Surfilm Festibalek. Japoniako artista, argazkilari, surflari eta komunikabideekin lankidetzan, bertako surfaren kultura aztertzeko jardunaldi sorta antolatu dute. Hiru proposamen nagusi izango ditu: zinema eta artea San Telmo Museoan, argazkilaritza No Color galerian eta zinema emanaldi gehiago Antzoki Zaharrean. Dotore taldearen zuzenekoa ere izango da ikusgai.

Ohi bezala, surf kulturaren azoka egingo dute Kursaaleko terrazetan, larunbatean. Aire zabalean zinemaz eta musikaz gozatzeko aukera ere izango da egun horretan, Revolutionary Brothers eta Kurando taldeekin. Antiguako frontoian izango da ekimen hau.

Amstel



Informazio gehiago:Eitb: Japoniako surfa protagonista, aurtengo Amstel Surfilm Festibalen

95 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin