Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Jaioberri bat aurkitu dut! Lagundu!


2012-01-31 14:12

Donostian abandonatutako jaioberria salbatu zuen tren geltokiko zaintzaileak gertatutakoa azaldu du Radio Euskadin. Umea ondo dago eta Diputazioa egingo da bere kargu, behin-behinean.

Iker Velez del Burgo Amarako tren geltokiko zaintzailea da, eta igandean jaioberri baten bizi salbatu zuenetik, heroi batean bilakatu da. Heroi bat baldin badago, hori Jose da, berak topatu baitzuen haurtxoa poltsa batean abandonatuta, nabarmendu du.

Gertakariak joan den ingadean jazo ziren. Ama batek bost egunetako semea Donostiako eliza baten atarian utzi zuen, eskale batek aurkitu zuen eta inguruan dagoen tren geltokiko zaintzaileen esku utzi zuen.

Velez del Burgok azaldu duenez, Jose izeneko eskalea oso urduri eta oihuka bertaratu zen geltokira: Jaioberri bat aurkitu dut! Lagundu! Lagundu!, zioen.

Umea gure esku utzi ostean alde egin nahi izan zuen, ertzainek atxilotu egingo zutenaren beldur baitzen. Nik lasaitzeko esan nion, gertatutakoa azaldu behar zuela eta ez zitzaiola ezer gertatuko, adierazi du.

Haurrak izenik duen galdetuta, Velez del Burgok ezetz esan du, baina Josek bere izena jartzeko proposamena egin du, esan du barrezka.

Bestalde, Gipuzkoako Diputazioak jakinarazi du bere gain hartuko duela haurraren zaintzaren ardura. Larraitz Ugartek zehaztu duenez, umea oso egoera onean dago eta berarekin zer egin erabaki arte Diputazioaren ardurapean egongo da.




Informazio gehiago:Eitb: Jaioberri bat aurkitu dut! Lagundu!

126 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin