Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Jacques Demy zinemagileari buruzko zikloa, Zinemaldian


2011-08-29 12:55

Sortzaile frantziarraren lanak Agnès Vardak, Mathieu Demyk eta Rosalie Vardak aurkeztuko dituzte.

Irailean egingo duten Donostiako Zinemaldiaren 59. edizioan Jacques Demy (Pontchâteau, 1931-Paris, 1990) zinemagile frantziarrari buruzko zikloa eskainiko dute. Genero musikalaren berritzaile handienetakoa izan zen. Bere ibilbidearen hastapenetan nouvelle vague mugimenduko zuzendariei lotuta egon bazen ere bide propio eta berezi egitea lrotu zuen. Uneko moda eta joerak alde batera utzita Zinema abestuaren ezinbesteko erreferentzian bilakatu zen.

Paul Grimaulten laguntzaile gisa hasi zen animaziozko lanak egiten. Demyk egindako lehen film luzea Lola (1961) izan zen, bere lan bikainenetakoa. Frantziako nouvelle vagueko filmik entzutetsuenetako bilakatu zen eta bere talentua La baie des anges (1963) melodramarekin berretsi zuen. Les parapluies de Cherbourg (1964) hirugarren filmarekin Canneseko Urrezko Palmorria irabazi zuen eta atzerriko film onenaren Oscar saria lortzeko proposatu zuten.

Gerora, Les demoiselles de Rochefort (1967) Model Shop (1969), Peau d?âne (1970) edota Une chambre en ville (1982) bezalako lanak egin zituen.Zinemaldian egingo duten atzera begirakoan bere ibilbidean egindako film luze guztiak eskainiko dituzte. Film labur batzuk ere ikusi ahal izango dira eta bere emazte izandako Agnès Vardak zuzendutako hiru dokumentalek osatuko dute programazioa.

Zikloa aurkezten Agnès Varda zuzendaria, haren seme Mathieu Demy aktore eta zuzendaria, eta Rosalie Varda, Demyren filmetako batean jantziak diseinatu zituena egongo dira Donostian. Aipagarria da gainera, Mathieu Demyren lehendabiziko obra, Americano, aurtengo Zinemaldiaren Sail Ofizialean lehiatuko dela.

Zinemaldiak, Espainiako Filmotekarekin lankidetzan eta Quim Casasek eta Ana Cristina Iriartek koordinatuta, Jacques Demyri buruzko argitalpen bat kaleratuko du.

Jacques



Informazio gehiago:Eitb: Jacques Demy zinemagileari buruzko zikloa, Zinemaldian

78 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin