Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Izotz arriskua dela eta abisu horia ezarri dute


2012-02-16 12:50

Ostiralean eta larunbatean izotza iragarri dute barnealdean. Eguraldiari dagokionez, bihar lainoak nagusituko dira, baina larunbatean giro eguzkitsua izango da protagonista.

Eusko Jaurlatitzako Herrizaingo Sailak izotzari dagokion abisu horia ezarri du ostiralean, 00:00etik 10:00etara, barnealdeko mendi inguruetan izotza egin dezakeela eta.

Larunbatean ere izotz txikia dago aurreikusita barnealdean, goizaldean eta goizeko lehen orduan, tenperatura minimoen jaitsiera espero baita.

Eguraldiaren iragarpena

Ostiralean hodeiak ipar partean pilatuko dira eta hegoaldean urdingune zabalak gailenduko dira. Euskalmeten iragarpenaren arabera Kantauri isurialdean ia egun guztian hodeiak nagusituko badira ere, apenas utziko dute tantarik. Gainera, eguna amaitzerako ostarteak irekitzen joango dira.

Tenperaturan, aldaketarik ez. Haizeak ipar-ekialdetik ahul joko du.

Larunbatean, berriz, giro eguzkitsua gailenduko da denean. Egunsentian behe-lainoa sortuko da barnealdeko bailaretan eta oraindik hodei hondarrak geldituko badira ere, goizak aurrera egin ahala eguzkiak xurgatu egingo ditu.

Eguerdi partean eta arratsaldeko lehen orduetan urdina nagusituko da eta haizea oso ahul ibiliko denez, termometroak 10-13 °C-ra iritsiko dira; lehen orduak ordea hotzak izango dira, barnealdeko hainbat puntutan izotz txikia botako du.

Iluntzetik aurrera ordea, fronte berri bat gerturatuz joango da eta gauean zerua lainotuz joango da berriro ere.

Izotz



Informazio gehiago:Eitb: Izotz arriskua dela eta abisu horia ezarri dute

54 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin