Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Izagirre: Udalek eskumen eta finantziazio gehiago behar dituzte


2012-01-23 12:59

Euskadiko erakundeen artean ematen diren bikoizketak aztertzen dituen Legebiltzarreko batzordean egin ditu Izagirrek adierazpen horiek.

Euskal Autonomia Erkidegoko udalek eskaintzen dituzten hainbat zerbitzutan bikoizketak ematen direla onartu du gaur Juan Karlos Izagirre Donostiako alkateak. Udalek eskumen gehiago izatea defendatu du Izagirrek, baina dagozkien finantziazioa jasotzen dutenean.

Euskadiko erakundeen artean ematen diren bikoizketak aztertzen dituen Legebiltzarreko batzordean egin ditu Izagirrek adierazpen horiek. Eusko Jaurlaritzaren txosten baten arabera, bikoizketek 403 milioi euroko gastua eragiten dute Euskadin.

Donostiako alkateak begi onez ikusi du bikoizketen inguruko eztabaida irekitzea, baina egungo egitura aldatzearen alde agertu da, Gernikako Estatutua agortuta dagoelako.

Gogoratu duenez, udalek haienak ez diren eskumenak bere gain hartzen dituzte, zerbitzu horiek eman behar dituzten erakundeek ematen ez dituztelako. Hala ere, udaletako politika hori defendatu du, hiritarra ardatz nagusia izan behar delako.

Bere hitzetan, azken urteetan iruzur handia egin dute udalen finantziazioaz hitz egiterako orduan. Foru Aldundiek udalen eskuetan hainbat eskumen utzi dituztela gaineratu du, baina finantziazioa handitu gabe.

Udalek bere gain hartzen dituzten zerbitzuak eman ahal izateko finantziazio gehiago eskatu du Izagirrek. Erakundeen arteko koordinazio egokiagoa bilatzearen alde agertu da Donostiako alkatea.

Patxi Lopezen Gobernuak aurkeztuta txostena lanerako tresna izan daitekeela gaineratu du, baina nahikoa ez dela esan du, hainbat gai aztertu behar direlako.

Juan



Informazio gehiago:Eitb: Izagirre: Udalek eskumen eta finantziazio gehiago behar dituzte

153 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin