Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

IU, EAJ, ERC, BNG eta CC, Amaiurren eta UPyDren talde propioen alde


2011-11-27 11:58

Azken hitza PPk du, Kongresuko mahaian gehiengo absolutua duen alderdia baita.

IU, EAJ, Esquerra Republicana, Bloque Nacionalista Galego eta Coalicion Canaria, Amaiurrek eta UPyDk Kongresuan talde propioa izatearen alde daude, nahiz eta horretarako baldintza guztiak zorrozki betetzen ez dituzten. Hala ere, azken hitza PPk izango du, Kongresuko mahaiko gehingo absolutua baitu.

Alderdi hauen ordezkariek esan dutenez, Kongresuko baldintzen interpretazio malgua egin daiteke, jada iraganean hainbatetan egin den bezala, eta horrela, Rosa Diezen alderdiak eta koalizio abertzaleak talde propioa izango lukete.

Kongresuko araudiak hainbat bide aurreikusten ditu talde propioa eratzeko. Batetik, 15 eserleku baino gehiago lortzea. Bestetik, gutxienez 5 eserleku lortu eta herrialde osoan gutxienez bozen %5 eskuratzea. Eta azkenik, 5 eserleku eta hautagaitza aurkezten den zirkunskripzio bakoitzean bozen %15 lortzea.

Amaiurrek eta UPyDk beharrezkoak diren gutxiengo eserlekuak lortu dituzte, 7 eta 5 aulkirekin, baina ez dute bozen portzentajeen gutxiengoa lortu. Koalizio abertzaleak EAEn bozen %15 lortu ditu, ez ordea Nafarroan, bozen % 14,86 lortu baititu. Rosa Diezen alderdiak berriz, estatu osoan bozen % 4,69 eskuratu ditu.

IU talde propiorik gabe gelditu zen 1986an

Izquierda Unidako iturriek esan dutenez, araudiaren interpretazio malguaren aldekoak dira, izan ere, 2008an eurei ere mesede egin zien. Baina inor aipatu gabe, IUtik esan dute, orduan batzuk erabaki hori lardaskeria izan zela esan zutela, Rosa Diezi erreferentzia eginez. Hala ere, 1986an, 7 diputatu lortu eta bozen % 4,63rekin talde propiorik gabe gelditu zirela gogoratu dute.

EAJk ez du inoiz malgutasun horren aurka egin, hala ere, horrela eginez gero, denei egiteko eskatu dute, kasu honetan, Amaiurren alde eta UPyDren alde. Esquerra Republicanak ere horixe defendatzen du.

BNG eta CC talde mixtoan egongo dira, bakoitzak bi eserleku eskuratu baititu, horregatik ez dute ezkutatzen Rosa Diezen alderdiak eta koalizio abertzaleak talde popioa izatea nahiago dutela, mistoaren osaketa arintzeko.



Informazio gehiago:Eitb: IU, EAJ, ERC, BNG eta CC, Amaiurren eta UPyDren talde propioen alde

52 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin