Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Itunpeko patronalei norbanako erreklamazioak aurkeztuko dizkie ELAk


2011-03-16 14:50

Helburua, inposaturiko murrizketak atzera botatzea eta langileei soldatatik kendutako % 5a bueltatzea.

Itunpeko irakaskuntzako patronal ezberdinei norbanako salaketak aurkeztuko dizkie ELA sindikatuak, inposaturiko murrizketak atzera bota ditzaten eta langileei soldatatik kendutako % 5a bueltatzeko helburuarekin.

Sindikatuak gaur azaldu duenez, soldata eta lan-baldintzek ez dute zerikusirik krisiarekin. Horregatik, patronalei soldatak bere osotasunean ordaintzeko exijitu die ELAk, eta Eusko Jaurlaritzari itunpeko irakaskuntzan inposaturiko murrizketak atzera bota ditzala eskatu dio.

EAEko Auzitegi Nagusiaren epaiak langileei eta sindikatuari arrazoia ematen diela azpimarratu du ELAk. Soldatak bere osotasunean ez ordaintzeko patronalek harturiko erabakia legearen aurkakotzat jotzen du, sindikatuaren ustez.

Nahiz eta gatazka honen hasieran patronalek adierazi epaitegiek arrazoia kentzen bazien murrizturiko soldatak langileei bueltatuko lizkiguketela, badirudi orain iritziz aldatu dutela, salatu du ELAk.

Gogoratu dutenez, Kristau Eskolak (EAEko patronal garrantzitsuena) esan du epaia betez gero zentroak bere orokortasunean bideraezinak bihurtuko direla. Kritika horiek salatu egin ditu ELAk eta langileak defendatzeko azkenera arte borrokatuko dutela nabarmendu dute.



Informazio gehiago:Eitb: Itunpeko patronalei norbanako erreklamazioak aurkeztuko dizkie ELAk

63 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin