Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Itsasontzien arloko 231 enpresa bilduko ditu BECen Eurofishing azokak


2011-04-07 15:16

Enpresa, elkarte eta erakundeek hartuko dute parte topaketan, eta portu, arrantza, ontzigintza eta itsas energia arloetako ordezkariak izango dira bertan.

Apirilaren 12 eta 14a bitartean, Sinaval-Eurofishing Elite azoka izango da Bilbao Exhibition Centren (BEC). 26 herrialdetako 231 ordezkarik eman dute izena bertan parte hartzeko, eta aurten, krisiari aurre egiteko asmoz, topaketek formatu berria izatea erabaki dute antolatzaileek.

Jose Miguel Corres BECeko kontseilari delegatuak prentsaurreko batean azaldu duenez, ontzigintza sektorea une zailak igarotzen ari da, eta horregatik aldatu dute azokaren eredua. Aurreko urteetan baino erakusketari gutxiago egongo dira, baina jarduera gehiago antolatu dituzte biltzarraren inguruan, hala nola nazioarteko jardunaldiak eta VIP bisitariak.

Erakusketaz gain, beste ekimen asko izango dira azokan. Itsas energiaren alorreko ordezkari nagusiek Itsas Energien Laugarren Jardunaldietan parte hartuko dute, besteak beste olatuen energiaren eta offshore eolikoaren inguruan eztabaidatzeko.

Bestalde, arrantza sektoreari bideratutako jardunaldiak antolatuko dituzte, eta Cepesca (Espainiako Arrantza Konfederazioa) eta Feicopesca (Akuikultura eta Arrantza Produktuak Eraldatzeko eta Merkaturatzeko Industria Elkarteen Espainiako Federazioa) elkarteek zuzendaritza bilerak egingo dituzte.



Informazio gehiago:Eitb: Itsasontzien arloko 231 enpresa bilduko ditu BECen Eurofishing azokak

64 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin