Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Itsas-lapur bat hil da, espainiar Armadako ontzi bati egindako erasoan


2012-01-12 15:41

Patiño ontzian zihoan helikopteroa itsas-lapurren txaluparen atzetik joan da horik ihesi atera direnean. Txalupan sei itsas-lapur zihoazen, eta bostek zauriak izan dituzte.

Patiño Laguntza eta Borrokarako Ontziari eraso egin diote bart txalupa batean zihoazen itsas-lapur batzuek. Horietariko sei atxilotu egin dituzte eta zazpigarren bat hil egin zen eta lagunek itsasora bota dute haren hilotza. Patiño ontzia Ozeano Indikoan ari da Europar Batasuneko Atalanta operazioaren barruan.

Defentsa Ministerioak komunikatu baten bidez aditzera eman duenez, erasoa 03:30ak aldera izan zen, itsas-lapurrak Patiñoren kontra tiroka hasi zirenean. Horri erantzuteko, ontzi espainiarrak ere erasoari ekin zion arma arinak erabiliz.

Hala eta guztiz ere, piratek erasoarekin jarraitu zuten. Hori ikusita, Patiñoko tripulazioak autodefentsarako sua erabili zuen. Orduan, itsas-lapurrak ihesean joan ziren. Espainiako ontzian ez zen zauriturik egon.

Patiño ontziko helikopteroa txaluparen atzetik joan zen. Ihesean zihoazela, itsas-lapurrek armak, zenbait pakete eta eskala bat uretara bota zituzten. Megafoniaren bidez gelditzeko eskatu zieten, ohartarazteko tiroak ere bai, eta txalupa gelditu egin zen azkenean.

Hil eta uretara bota dute

Txalupan sei itsas-lapur zihoazen, horietariko bost zaurituta. Guztiak Patiño ontzira igo zituzten. Lehen adierazpenetan jakitera eman zutenez, beste itsas-lapur bat hil egin zen erasoan eta uretara bota zuten.



Informazio gehiago:Eitb: Itsas-lapur bat hil da, espainiar Armadako ontzi bati egindako erasoan

49 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin