Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Iruzurrak ugaritu egiten dira Interneten, opor garaian


2011-08-01 14:14

Bidaiak egiteko eskaintza tentagarriak iruzurra izaten dira askotan, Interneten. Kontsumitzaileen elkarteek uda honetan salaketek gora egin dutela adierazi duten.

Geroz eta gehiago kontsumitzen dute erabiltzaileek Interneten eta turismoa izan da oinarri horretan arrakasta gehien lortu duena. Hala ere, kontua handiarekin ibili behar da Sarean; izan ere, geroz eta iruzur gehiago egiten ari dira Interneten saldutako bidaien bitartez. Hegaldi merkeak, ostatu hartzeko eskaintza erakargarriak eta bidaiatzeko txartel merkeak dira Sarean topatu ditzakegun tentazioak, baina fidagarriak al dira? Uda honetan, adibidez, 1.000 pertsona ingururi maula egin diete Siente Tailandia webgunean eta Erabiltzaile eta Kontsumitzaile Independenteen Federakuntzak (FUCI) salatu duenez, iazko epe berdinarekin alderatuta, oporrei buruzko erreklamazioak eta kontsultak % 10 igo dira.

Oporretarako apartamentu bat alokatzean izaten dira, gehien bat, iruzurrak. Kontsumitzaileak alokatu duen etxea benetan alokatzen duenarena dela konprobatu behar du, hori frogatzen duten dokumentuak lortu behar ditu, esan du Gustavo Samalloa FUCIko presidenteak. Horrekin bat dator Euskal Herriko Kontsumitzaileen Antolaketa (EKA/OCUV) eta titulartasun hori jabetza-erregistroan kontsultatu ahalko dugula adierazi du. Internet kontsumitzaileak duen babesa askoz ere txikiagoa da, baina ezinbestekoa da etxea alokatu aurretik argazkiak eta lekuari buruzko ezaugarriak eskatzea, salaketa egin behar izanez gero beharko dugun dokumentazioa delako, esan du Mikel Muñoz EKAko abokatuak.

Horrez gain, FUCIren arabera, lehen kontaktua egin ostean, ez da dirurik bidali behar eta, hala eskatzen badigute, ohiko ordainketa bideak erabiltzea gomendatu dute, bertan agertuko baita zer alokatu dugun eta zenbat denborarako.

Delituak dira, dirua irabazteko asmoa dagoelako, eta, hortaz, maula egin badigute, lehenik eta behin polizia-etxe batean edo guardiako epaitegi batean salaketa egin behar da, baina jatorrizko herrian egin behar da, azaldu du Muñozek.

Benetako kasuak

Uda honetako kasurik ezagunenetako bat Siente Tailandia webgunearena da. Iruzur horrek 1.000 pertsona inguru kaltetu ditu. Maiatzean, Tortosan (Tarragona) bizi zen Pedro Marti Alcantarak bere webgunean bidaia kontratatu zuten 1.000 pertsona ingururi emaila bidali zien. Budisten festan batengatik gestioak atzeratuko zituela argitaratu ostean, itxita zegoela esan eta desagertu egin zen.

Guztira, 700.000 euro baino gehiagoko maula egin du Marti Alcantarak. Kaltetuetako batzuk zorionekoak izan dira, 300 euro baino ez dituzte galdu, beste batzuk, berriz, bidaia osoa erosi zuten eta bakoitzeko 1.200 euro galdu dituzte. Martik eta tailandiarra zen emazteak merkatuko preziorik merkeenak eskaintzen zituzten eta zalantza guztiak argitzen zituen, baita zerbitzua fidagarria ez zela esaten zutenenak ere. Esperientzia baikorrak ere biltzen zituen; izan ere, bidaia era egokian bete zuten bitan.

src=http://www.eitb.com/multimedia/images/2011/08/01/519725/519725_paraiso_detalle_1.jpg/



Informazio gehiago:Eitb: Iruzurrak ugaritu egiten dira Interneten, opor garaian

478 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin