Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Irregulartasunak bukaera arte ikertzea eskatu du EAk


2012-02-07 20:09

Ustezko irregulartasunak plazaratzeko bi urte behar izana salatu dute, eta beldur dira horrek kontu publikoetan kontrol eskasa dagoenaren isla ez ote den.

Eusko Jaurlaritzak Justizia Sailean atzeman dituen ustezko irregulartasunak bukaera arte ikertzea eskatu du Eusko Alkartasunak. Mendiak emandako datuen arabera, Jaurlaritzak irregulartasun larriak atzeman ditu Justizia Sailak 2000 eta 2009 artean, Joseba Azkarraga sailburu zenean, egindako 15 kontratu informatikotan.

EAk ez du baztertzen akusazio partikular gisa aurkeztea, eta Eusko Legebiltzarrean auzia ikertzeko batzordea sortzeko proposamena ere egitea.

Jaurlaritzak jakitera emandako irregulartasunak benetakoak baldin badira, erantzukizun politiko eta judizialak eskatuko dituela adierazi du EAk.

Dena den, ustezko irregulartasunak plazaratzeko Jaurlaritzak bi urte behar izana salatu dute, eta beldur dira horrek kontu publikoetan kontrol eskasa dagoenaren isla ez ote den.

Era berean, salaketa orain egin izana azken egunotan EAJk egindako akusazioekin zerikusirik ez izatea ere espero du Eusko Alkartasunak.



Informazio gehiago:Eitb: Irregulartasunak bukaera arte ikertzea eskatu du EAk

51 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin