Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Irlandak 23.500 lanpostu publiko gehiago murriztuko ditu 2015 arte


2011-11-17 15:51

Murrizketa hauen ondorioz, administrazio publikoak epe horretan gastatu beharko lukeena baino 2.500 milioi euro gutxiago ordaindu beharko du, % 15 inguru.

Irlandako Gobernuak, hemendik eta 2015 urterarte, 23.500 lanpostu publiko desagerrarazi nahi dituela esan du Brendan Howlin Irlandako Erreforma eta Gastu Publikoko ministroak. Horrez gain, administrazioaren erreforma berriaren harira, Estatuaren 48 erakunderen arrazionalizazioari ekingo diotela azaldu du.

Murrizketa berri honekin, 2015ean egongo diren funtzionarioak 2008an zeudenak baino % 12 gutxiago izango dira, epe horretan administrazioak 37.500 lanpostu desagertuko dituelako. Gauzak horrela, gaur egun daudenekin alderatuta (297.000), 2015 urtean soilik horietako 282.500ek mantenduko dute beraien lanpostua.

Guzti honen ondorioz, administrazio publikoak epe horretan gastatu beharko lukeena baino 2.500 milioi euro gutxiago ordaindu beharko du, % 15 inguru.

Halaber, zerbitzua eraginkorrago bihurtzeko asmoarekin, aurtengo urtea bukatu baino lehen Estatuaren parte diren 48 erakunde arrazionalizatuko dituzte, eta hurrengo urtean beste 46ekin berdina egitea espero dutela iragarri du Howlinek.

Asmo handiko programa

Sektore publikoa berrizteko asmo handiko programa bat aurkeztu du Gobernuak ostegun honetan. Bertan 70 gomendio eta 200 neurri eman dituzte aditzera, eta horietako batzuk administrazioen funtzionamenduak hobetzera zuzenduta daude.

Proposamen hauek landu bitartean egindako elkarrizketei esker, sektore publikoko sindikatuek behin betiko neurri hauek babes ditzaten espero du Howlinek, onarpen horrek sektore publikoko kondizioei uniformetasuna emango diolako, eta horrela erakunde eta sektore ezberdinetan gerta daitekeen pertsonal mugimenduaren lekualdaketari lagun diezaiokeelako.

Enda



Informazio gehiago:Eitb: Irlandak 23.500 lanpostu publiko gehiago murriztuko ditu 2015 arte

40 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin