Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Iritsi da presoak hurbiltzeko garaia, Zabaletaren esanetan


2011-12-01 10:53

Aralarren buruzagiak adierazi duenez, barkamena eskatzea eta damua agertzea, jarrera gizatiarrak izateaz gain, berradiskidetzea lortzen lagunduko duten jarrerak dira.

Patxi Zabaleta Aralarren idazkari nagusiak esan du iritsi dela presoak hurbiltzeko garaia, egungo sakabanaketa ez baitzen inoiz gertatu behar.

Radio Euskadin egin dioten elkarrizketa batean azaldu duenez, kartzela-politika, gaur egun, injustua da, ez dago Legera egokituta eta kaltegarria izan da.

Orain zentzu sozialik ere ez du. Mendeku hutsa da, sufrimendu gehiago eragin duena, beraz, euskal presoak Euskal Herrian egoteko garaia iritsi da, gaineratu du.

Bestalde, Patxi Zabaletak adierazi duenez, barkamena eskatzea eta damua agertzea, jarrera gizatiarrak izateaz gain, berradiskidetzea lortzen lagunduko duten jarrerak dira. Hori horrela, kontuan izatekoak dira beti.

Horren harira, elkarbizitzak egindako kaltearen konponketa exijitzen duela gaineratu du eta horretarako barkamena eskatu behar dute alde guztiek.

Harremanak PPrekin

Zabaletak PPrekin aste honetan izan duen bilera ere izan du hizpide gaurko elkarrizketan eta popularrek normalkuntzarako borondatea eta indar politiko guztiekin hitz egiteko asmoa erakutsi ziotela azpimarratu du.

Aralarren buruak Alerdien Legea salatu du eta egunen batean PP ezker abertzalearekin bilduko dela espero du.

Patxi



Informazio gehiago:Eitb: Iritsi da presoak hurbiltzeko garaia, Zabaletaren esanetan

135 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin