Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Irakasle batek bere semena janarazten zien ikasleei


2012-02-01 11:52

Poliziaren arabera, 61 urteko irakasleak begiak tapatzen zizkien 7 eta 10 urte arteko ikasleei, eta bere semenaren koilarakadak ematen zizkien.

Los Angeleseko eskola bateko irakaslea atxilotu dute 23 ikasleri sexu-gehiegikeriak egitea leporatuta, izan ere, begiak tapatzen zizkien 7 eta 10 urte arteko ikasleei eta bere semenaren koilarakadak ematen zizkien jateko, ikasgelan bertan, Los Angeleseko Poliziak jakitera eman duenez.

Atxilotua Mark Berndt 61 urteko irakaslea da, eta 30 urte baino gehiago zeramatzan Miramonte Elementary Schoolen, 2011n kaleratu zuten arte.

Polizia duela urtebete baino atzerago hasi zen ikerketa egiten. Argazkiak errebelatzen dituen enpresa batek ohartarazi zuen ustezko sexu-gehiegikeriaz, 40 argazkitan haurrak begiak tapatuta eta ahoa estalita ageri zirela ikusi zuenean.

Irudi horietako batzuetan haurrak ikus omen zitezkeen koilara batekin eta koilaran substantzia zuri bat, ahora sartzeko keinua egiten, Poliziaren arabera.

Irakaslearen zaborrontzitik jasotako koilara urdin eta edukiontzi huts banari egindako frogetan semena aurkitu zuten eta DNA frogek agerian utzi zuten Berndtena zela.

Ikerketaren ondoren, Berndten kontrako salaketa jarri zuten 2008 eta 2010 artean 7 eta 10 urte arteko 23 haurri sexu-gehiegikeriak egitea leporatuta.

Atxilotua kartzelan sartu dute 2,3 milioi dolarreko bermepean.



Informazio gehiago:Eitb: Irakasle batek bere semena janarazten zien ikasleei

57 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin