Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Interpolen alerta gorria, ETArekin lotutako FARCeko kide baten kontra


2011-03-09 10:43

Alerta maila gorena ezarri dute Victor Ramon Vargas Salazar atxilotzeko. Alvaro Uribe eta Andres Pastrana presidente ohiak Espainian hiltzeko asmoa izan omen zuen.

Interpol nazioarteko polizia-agentziak alerta gorria ezarri du, alerta maila gorena, Victor Ramon Vargas Salazar FARCeko kidea atxilotzeko. Auzitegi Nazionalak hura bilatzeko eta atxilotzeko agindua eman zuen ETArekin lotura zuelakoan.

Interpolen webgunean agertzen denez, 36 urteko kolonbiarra terrorismoagatik ari dira bilatzen eta alerta gorriak Auzitegi Nazionalaren 6. aretoak emandako aginduari erantzuten dio.

Eloy Velasco epaileak ETAko sei ustezko kide eta FARCeko bost kide (Salazar, besteak beste) atxilotzeko agindua eman zuen iazko martxoan Espainian Kolonbiako goi-kargudunen kontrako erasoak egiteko elkarlanean aritzea leporatuta.

Velascok orotara ETAko sei ustezko kide eta FARCen zazpi ustezko kide auzipetu zituen Alvaro Uribe eta Andres Pastrana Kolonbiako presidente ohiak hiltzeko elkarlanean aritzea leporatuta.

Interpolen alerta gorria pertsona jakin bat bilatzeko eta atxilotzeko ematen den laguntza bat da, alerta polizia guztiei iristen baitzaie. Era berean, ihes eginda dagoen horri buruzko informazioa edozein herritarrek emateko aukera jasotzen du Interpolen alerta gorriak.



Informazio gehiago:Eitb: Interpolen alerta gorria, ETArekin lotutako FARCeko kide baten kontra

64 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin