Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Inmigrazioaren inguruko Itun berria egin nahi du Eusko Jaurlaritzak


2011-12-14 15:58

Itun berriaren arabera, oinarrizko eskubide, betebehar eta askatasunak bizilekuaren arabera baldintzatuko dira, eta ez bertakoa edo kanpotarra izatearen arabera, orain arte egin den bezala.

Eusko Jaurlaritzaren ekimenez egin berri den Inmigrazioaren inguruko Itun Sozialaren arabera, oinarrizko eskubide, betebehar eta askatasunak bizilekuaren arabera baldintzatuko dira, eta ez bertakoa edo kanpotarra izatearen arabera, orain arte egin den bezala.

Gemma Zabaleta Gizarte Laguntzako sailburuak gaur aurkeztu du dokumentua, gizarte eragileen aurrean Bilbon eginiko agerraldian. Prentsaurreko horretan gaurtik udaberrira arte iraungo duen eztabaida fasea jarri du martxan, behin betirako egingo den agirian bertaratutakoen ekarpenak kontuan hartzeko.

Euskadi anitz batean bizi garela eta oinarri horretatik abiatu behar garela kontuan hartzen duen dokumentua Daniel Innerarity Gizarte Filosofian katedradunak eta Imanol Zubero EHUko irakasle eta Soziologiako doktoreak burutu duten ikerketa bat izan da. Zabaletaren mintzaldian, honek 2010an egin zen ikerketa bat ekarri du gogora. Ikerlan horretan hamar etorkinetik bederatzik bertan geratu nahi zuela egiaztatzen zen, aldizkako gertakari bat baino gehiago  gizarte errealitate bat bihurtuz.

Horregatik, harreran baino, instituzioetako laguntza integrazioan oinarritu behar dela uste du sailburuak. Salbuespenera zigortu barik, kolektibo horien iraunkortasun nahia bermatu behar dute legeek.

Normaltasun ideia bat

Imanol Zuberok dokumentuak inmigrazioarekiko normaltasun ideia bat bultzatu nahi duela azpimaratu du. Nahi edo ez, Euskadi berri bat eraikitzen ari gara herri honetan bizi garen guztion artean, gaineratu du.

Aipatzekoa da dokumentuak ez dituela neurri zehatzik azaltzen, erreflexiorako landutako txostena baita. Inmigrazioaren inguruko Ituna ez ezik, Euskadirentzat eginiko itun soziala dela nabarmendu nahi izan dute bukaeran.

Almeriako



Informazio gehiago:Eitb: Inmigrazioaren inguruko Itun berria egin nahi du Eusko Jaurlaritzak

121 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin