Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

INDUSTRIA SAILAK ETA LA CAIXAK EMPRENDEDOR XXI SARIRAKO DEIALDIA EGIN DUTE


2011-03-27 18:12

La Caixak babesturiko eta Eusko Jaurlaritzak SPRIren bitartez sustaturiko sari honen V. edizioa ospatzen da



Eusko Jaurlaritzako Industria, Berrikuntza, Merkataritza eta Turismo Sailak (SPRI, Lehia Eraldatzeko Sozietatearen bitartez) eta la Caixa-k Emprendedor XXI Sariaren V. edizioa jarri dute martxan, euskal ekintzaileen lana eta talentua eta EAEko enpresen hazkunde-gaitasuna aitortzeko eta saritzeko. Ekimen hau oso positiboki baloratua izan da, Patxi López Lehendakariaren exekutiboak apustu sendoa egin duelako legealdi honetan Ekintzailetza sustatzeko, berau baita egungo egoera ekonomikoari aurre egiteko ardatza eta etorkizuneko bermea.



Hala, Eusko Jaurlaritzako Industria, Berrikuntza, Merkataritza eta Turismo Sailaren helburu garrantzitsuenetako bat da nagusiki berritzaileak diren enpresa proiektu berriak sustatzea eta laguntzea. Helburu hori SPRIren eta EAEko Enpresa eta Berrikuntza Zentroen (EBZ) bitartez gauzatzen da; Enpresa eta Berrikuntza zentroek proiektu berriak babesten dituzte ez bakarrik hasierako fasean, baita ere aholkularitza behar dutenean eta enpresa bihurtu ondoren kokaleku premian daudenean.



La Caixa Fundazioak eta Industria, Turismo eta Merkataritza Ministerioak Empresa Nacional de Innovación, S.A.ren (ENISA) bitartez sustatzen duten Emprendedor XXI Sari hau Espainia osoan ospatzen da, eta ekintzailetzarekin lotutako jarduera-esparruetako erakunde edo organismoen laguntza izaten du horretarako. Erakunde edota organismo autonomiko horiek aktiboki laguntzen dute sari-banaketa kudeatzen eta antolatzen.



Emprendedor XXI Sariaren bosgarren edizio honetan bi kategoria egongo dira, “EmprendesXXI” bata eta “CrecesXXI” bestea. “EmprendesXXI” kategorian sartuko dira bi urte baino gutxiago dauzkaten eta beren jarduera esparru autonomikora mugatzen duten enpresak. Aldiz, “CrecesXXI” izeneko kategorian 2 eta 7 urte bitarte dituztenak sartuko dira, eta bi fase izango ditu, autonomikoa eta nazionala. Erkidego bakoitzeko irabazleak izango dira garaikur nazionala eskuratzeko hautagaiak.



Bi kategorietarako hautagaitzak apirilaren 1era arte aurkez daitezke, sari-banaketaren web orriko Euskadi atalean: http://premio2011.emprendedorxxi.es/.

PARTE HARTZEKO BALDINTZAK

Lehiaketan parte hartu dezakete irabazi asmoko pertsona juridiko bezala eratuta dauden enpresek (S.A., S.M., Laneko Sozietateek, Kooperatibek, Sozietate Zibilek), baldin eta baldintza formal hauek betetzen badituzte: egoitza fiskala EAEn edukitzea eta beren jarduera 2009ko urtarrilaren 1az geroztik hasita edukitzea 'EmprendesXXI' kategoriako enpresetan edo 2004ko urtarrilaren 1az geroztik 'CrecesXXI' kategoriakoetan. Ez dira onartuko Europar Batasunak emandako definizioaren arabera handiak diren enpresak.

Hauxe izango da 'EmprendesXXI' kategoriako saria maila autonomikoan: 5.000 euroko ekarpen ekonomikoa eta zuzendaritza-gaitasunetako prestakuntza Cambridge Unibertsitatean (IgniteFastTrack) emango den ikastaro espezializatu eta trinko batekin. Hauxe izango da 'CrecesXXI' kategoriako saria maila autonomikoan: Silicon Valley-rako berrikuntza zubi bat, Executive Growth Program egiteko beka bat (Esade eta IESE erakundeek ad hoc diseinatutako ikastaroa) eta Estatu mailako lehiaketan parte hartzeko aukera gainerako irabazle autonomikoekin.

Estatu mailako 'CrecesXXI' kategoriako irabazlea izango da Espainiako hazkunde-potentzial handiena duen enpresa. Kategoria horretako Estatu mailako irabazleak eta hurrengo lau sailkatuek ekarpen ekonomiko bat jasoko dute: 100.000 euro irabazlearentzat; 40.000 euro bigarren sailkatuarentzat; 20.000 euro hirugarren sailkatuarentzat; 10.000 euro laugarren sailkatuarentzat; 5.000 euro bosgarren sailkatuarentzat. Azken faseko sari-banaketa ekainean izango da, Bartzelonan. Bi kategorietako irabazleek ere finantzaketa jasotzeko lehentasuna izango dute 'La Caixa' fundazioan eta ENISAn.

Emprendedor XXI Sariaren helburu nagusiak dira espiritu ekintzailea sustatzea, berrikuntza eta aurrerapena indartzea, lurralde guztietako garapen sozial eta ekonomikoari laguntzea, eskualde bakoitzeko potentzial handieneko enpresa berritzaileak identifikatzea eta saritzea eta enpresa sorkuntzarekin edo berrikuntzarekin lotuta dauden eskualdeko zein Estatuko proiektu, erakunde eta organismoen arteko harremanak ahalbidetzea.


420 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin