Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Indarkeria jasan duten emakumeentzako zentro berezitua eskatu dute


2011-12-20 17:48

Emakundek genero indarkeriaren biktimen arretan genero ikuspegia bultzatzeko beharra antzeman du Legebiltzarrean aurkeztutako txostenean.

Emakundeko zuzendariak, María Silvestrek, Eusko Legebiltzarreko Gizarte Politika, Lan eta Berdintasun Batzordearen aurrean egindako agerraldian Erakundeek emakumeen aurkako etxeko tratu txarren aurrean gizarte-zerbitzuen bidez emandako erantzuna txostena eta arretarako zenbait programa eta zerbitzuren ebaluazioa aurkeztu du.

Ondorioen artean, Emakundek genero indarkeriaren biktimen arretan genero ikuspegia bultzatzeko beharra antzeman du, eta honekin batera, esku-hartzean eta emakumeei emandako informazioan aurrera pausuak ikusi ditu 2006. urtean egindako ebaluazio txostenarekin konparatuz.

Etxeko tratu txarren egoerei erantzuteko lurralde bakoitzeko ereizgarritasunen arabera, legeak betetzeko eta hiritarren eskaerei erantzuteko era desberdinak aukeratzen dira. Gaur egungo lege-esparruak jasotzen du etxeko tratu txarren biktima diren emakumeek eta haien mende dauden pertsonek osorik eta diziplina anitzetatik babestuak eta hartuak izateko eskubide subjektiboa dutela. Aldi berean, etxeko tratu txarren biktima diren emakumeen berdintasunera eta autonomiara bideratutako helburuak zehazten dira.

Egin gabekoen artean, Silvestrek EAEn arreta osoa emateko eredua zehaztea aipatu du.

Tokiko erakundeei antolatzeko eta erabakitzeko gaitasun eta autonomia maila handia aitortzen zaie esku-hartze sozialean. Gainera, emakumeen aurkako indarkeriaren kontra aritzeko behar diren baliabideak bideratzeko eta egoki ikusten dituzten neurriak hartzeko legezko agindua daukate.

Horren harira aipatzen da gaur egun dauden baliabideekin tokiko erakundeek ezin dituztela beren gain hartu arazo anitzeko kasuak, horrelakoek oso baliabide espezializatuak eskatzen dituzte eta. Hala eta guztiz ere, eta Aldundiek euren herrialdeetan zerbitzu hori eskaintzen duten arren, Udal batzuek zerbitzua bikoiztea erabaki dute. Haien ustez, hurbiltasuna garrantzitsua da zerbitzu hori hobeto eskaintzeko, emakumeak mugiaraztea saihesten duelako.

Eskumenak banatzeko unean, irizpideen heterogeneotasuna murriztu nahi du Gizarte Zerbitzuen Lege berriak. Lege horrek lehen eta bigarren mailako arretako zerbitzuen kokalekua zehazten badu ere, zerbitzuen zorroaren garapena oraindik ere nahasia da eta hainbat gai argitzeke daude.

Bestalde, gaur egun, oraindik ere, baliabide orokorrak nahiz espezializatuak kasu estandarretarako diseinatuta daude. Ondorioz, beste arazo erantsi batzuk dituzten emakumeek (osasun mentaleko arazoak, substantzien kontsumoa edo desgaitasuna), are zailagoa dute baliabide horietara iristea.

Zehazki, baliabideak berrikusteko premia nabarmentzen da, batzuetan indarkeria-arriskua joan arren, emakumeek ezin izaten dutelako harrera-zentroa utzi, bestelako bitartekorik ez dutelako edota, emakume immigranteen kasuan, hamabi hilabetez erroldan egon arte ezin dutelako diru-sarrerak bermatzeko errenta eskuratu. Beste aldetik, enplegua, etxebizitza, etab. eskuratzea zailtzen duten egiturazko arazoak daude.



Informazio gehiago:Eitb: Indarkeria jasan duten emakumeentzako zentro berezitua eskatu dute

66 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin