Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Inbertsiogile batek babeseko 4.000 etxe utziko dizkio Jaurlaritzari


2011-07-26 17:53

Kontratua lortzen duen inbertsiogileak etxebizitzak, eteraikitzeko behar den lurzorua edo eraikin berriak erosiko ditu, eta Jaurlaritzari utziko dizkio, errentan.

Eusko Jaurlaritzak 430 milioi euroko gastua onartu du gaur, kontratu misto bat (ondarezkoa eta errentamenduzkoa) egiteko, inbertsiogile pribatu batek Jaurlaritzari babeseko 4.000 etxebizitza laga diezazkion, gutxienez 20 urtetarako.

Kontratua lortzen duen inbertsiogileak etxebizitzak, eteraikitzeko behar den lurzorua edo eraikin berriak erosiko ditu, eta Jaurlaritzari utziko dizkio, errentan, horrek aldi berean Etxebiden izena emanda daudenei alokatzeko.

Onartutako 430 milioi euro horiekin, alokairuan 20 urterako utzi zaizkion etxebizitzen errenta ordainduko da. Gastu hori kalkulatzeko lagapen- edo errenta-prezioa etxebizitzen kopuruarekin bidertu da, eta % 6,5eko deskontu-tasa bat eta errenta eguneratzeko urteko % 2,5eko faktorea aplikatu zaio, gaur Carlos Aguirre Ekonomia sailburuak jakinarazi duenez.

Hala eta guztiz ere, kalkulatutakoaren arabera, eragiketaren kostu garbia Jaurlaritzarentzat, 249 milioi eurokoa izango da, maizterrek ordainduko duten errentarekin berreskuratuko dena kontuan izanda. Jaurlaritzak lehenengo urtean etxebizitza bakoitzeko hilean gehienez ere 700 euro ordainduko ditu.


Jaurlaritzaren esku jarri behar diren etxebizitza babestuak lau multzotan sailka daitezke: 1.072 etxebizitza sozial, dagoeneko eraikita daudenak eta Alokabide sozietateari erosiko zaizkionak; eraikitzen ari diren beste1.875 etxebizitza, Visesari erosiko zaizkionak; 199 etxebizitza, Eusko Jaurlaritzaren jabetzako lurzoru urbanizatuetan eraikitzekoak direnak, eta ondoren inbertsiogileari salduko zaizkionak; Gainerako etxebizitzak (854 etxebizitza): inbertsiogilearen ardura izango da horiek sustatu eta eraikitzea.

Kopuru horri beste 1.000 etxebizitza babestu gehi dakizkioke. Etxebizitza kopuru hori lurralde historikoetan banatzeko moduari dagokionean, sailaren oniritzia beharko da, Plan Zuzentzailean jasotako helburuak beteteko direla bermatzeko.
Jaurlaritzaren kalkuluen arabera, lehiaketa publikoan kontratua hartzen duen inbertsiogile pribatuak 495 milioi eurotik gorako inbertsioa egin beharko du kontratua esleitzen zaionetik 2016ra arte.

Jaurlaritzak espero du kontratu mistoa urriaren amaiera aldera esleitzea, eta lehenengo etxebizitzak 2012aren hasieran izatea. Hasieratik izango diren etxebizitzei, 1.635 inguru, urtean batez beste 788 etxebizitza gehituko zaizkie, 2015era arte.



Informazio gehiago:Eitb: Inbertsiogile batek babeseko 4.000 etxe utziko dizkio Jaurlaritzari

38 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin