Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Inauterietako larunbat eguzkitsua eta tenperatura hotzak EAEn


2012-02-18 07:42

Igandean eguraldiak okerrera egingo du eta euria bueltan izango dugu. Astelehena ere hodeitsua izango da baina arratsaldean giro eguzkitsua etorriko zaigu. Temperaturek minimoei eutsiko diete.

Inauterietako asteburu honetan eguzkia izango dugu hasieran protagonista baina igandean, euria eta giro goibela izango ditugu mintzagai, Euskalmet Euskal Meteorologia Agentziaren arabera.

Larunbat honetan, zerua urdin mantenduko da. Egunsentian behe-lainoa sortu daiteke barnealdeko bailaretan, baina gerora giro eguzkitsua gailenduko da. Egunsentiko izotzaren ondoren, tenperatura errekuperatu egingo da eta gainera ia haizerik ez da ibiliko, eta ondorioz goxotasun apur bat sumatuko dugu eguerdi partean; termometroak 10-13 ° C artean errendituko dira. Egunaren azken orduetan, fronte bat gerturatuz joango da eta zerua lainotuz joango da berriro ere kantauri isurialdean. Hodeiak barnealdera saretuta iritsiko direnez, azken orduetan punturen batean izotza bota dezake.

Igandean, fronte ahul bat iritsiko da eta giroa kaskartu egingo da. Goizean goizetik zerua ilun agertuko da eta euritarako egongo da eguraldia; euri txikia egingo du oro har, baina kantauri isurialdean tarteka zaparrada mardulen bat ere bota dezake. Hegoaldera hodeiak saretuta iritsiko dira eta apenas egingo duen euririk. Iparraldeko haizearekin, giroa nabarmen freskatuz joango da egunean zehar eta elur-mailak ere behera egingo du, goizean zehar 800 m ingurura jaitsiko da eta arratsalderako 500 m-ra ere gerturatu daiteke, baina ordurako atertuz joango da. Tenperaturari dagokionez, egunsentia ez da hain hotza izango eta eguneko beroenak 5-10 °C artean geldituko dira.

Zeru-gaina garbituz joango da astelehenak aurrera egin ahala. Egunsentian oraindik hodeiguneak nagusituko dira, bereziki mendebaldean, baina orduek aurrera egin ahala desegiten joango dira eta urdina nagusituz joango da. Arratsaldean giro eguzkitsua nagusituko da. Ipar-ekialdeko haize hotza iritsiko zaigu eta ondorioz termometroak 7-9 °C artean errendituko dira. Izotza botako du barnealdeko hainbat zonaldetan.

Giro



Informazio gehiago:Eitb: Inauterietako larunbat eguzkitsua eta tenperatura hotzak EAEn

131 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin